Xususan, kecha 9 fevral kuni Qashqadaryo viloyat futbol mahorat maktabida ham so'z mulkining sultoni, o'zbek adabiy tilining asoschisi Hazrat Mir Alisher Navoiyning 580 yilligi hamda shoh va shoir, buyuk davlat arbobi Zahiriddin Muhammad Bobur tavalludining 538 yilligi munosabati bilan “Buyuk ajdodlar yodi doim barhayot” mavzusida manaviy – marifiy tadbir tashkil etildi. Tadbirga taklif etilgan Navoiyshunos olim Tursunpulat Xolov so'zga chiqib, Alisher Navoiyning qoldirgan boy ijodiy merosini o'rganish va targ'ib qilish borasida amalga oshirilayotgan ishlar haqida to'xtalib o'tdi.
Tadbir doirasida Qashqadaryo viloyat musiqali drama teatri aktyorlari tomonidan Alisher Navoiy va Zahiriddin Muhammad Bobur hayoti va ijodiga mansub sahna ko'rinishlari namoyish etishdi. SHuningdek, bir guruh sportchi-o'quvchilar Navoiy va Bobur g'azallaridan namunalar o'qib berishdi. qashqadaryolik xushovoz xonanda Ilyos Qurbonov tomonidan vatanni madx etuvchi kuy-qo'shiqlari tadbirga yanayam zavq-shavq bag'ishladi.
SHavkat SULTONOV, Qashqadaryo viloyat futbol mahorat maktabining manaiy-marifiy ishlar bo'yicha direktor o'rinbosari
Bosh sahifaga
239