Birlashgan Arab Amirliklari Pro Ligasida "SHabab Al-Ahli" jamoasi chempionga aylandi. Azizjon G'aniev harakat qilayotgan jamoa 25-tur doirasida "Banni Yas" ustidan dramatik tarzda g'alaba qozondi va chempionat yakunlanishiga bir tur qolganda bosh sovrinni naqd qildi. Juda muhim uchrashuvning 61-daqiqasida o'z darvozasidan to'p olib chiqqan "SHabab Al-Ahli" o'zini yo'qotib qo'ymadi. 70-daqiqada o'zbekistonlik futbolchi Azizjon G'aniev juda kuchli zarbasi bilan darvozani ishg'ol qildi va jamoasini o'yinga qaytardi. O'yinning 74-daqiqasida esa "SHabab Al-Ahli" yakunda g'alaba keltirgan to'pni kiritdi.
SHu tariqa, chempionat yakunlanishiga bir tur qolganda "SHabab Al-Ahli" ikkinchi va uchinchi o'rinda turgan "Al Ayn" va "Al Vahda"dan uch ochko oldinlab ketdi. CHempionat yakunida ochkolar teng kelib qolgan taqdirda bosh o'lchov sifatida ikki jamoaning o'zaro o'yiniga qaraladi. "SHabab Al-Ahli" esa ikki taqibchisi bilan o'zaro o'yinlarda ustunlikka ega. "Al Ayn" va "Al Vahda"ga qarshi chempionat doirasidagi o'yinlarda "SHabab Al-Ahli" mag'lub bo'lmagan. Aksincha, ikkala jamoani ham bir martadan mag'lub qilgan va bir martadan durang o'ynagan. Bu esa taqibchilar so'nggi turda "SHabab Al-Ahli" bilan ochkolarini tenglashtirgan taqdirda ham judvalda pastroqda joylashishlarini anglatadi. Xullas, Azizjon G'aniev – BAA chempioni!
"Banni Yas" – "Al-Ahli" 1:2
Gollar: Sasha Ivkovich 62', Azizjon G'aniev 70', Yaxyo Al Gassani 74'
Azizjon G'anievning golini telegramda tomosha qiling
Bosh sahifaga
227