2005 yilda «Barselona» yoshlar jamoasida faoliyatini boshlagan Serxio Buskets Katalon grandidagi 18 yillik faoliyatidan so'ng klubdan ketishini malum qildi. Serxio 18 yillik faoliyati davomida klub ravnaqi uchun Messidan kam harakat qilgani yo'q. «Barselona» jahon futboli cho'qqisiga chiqqan davrlarda aynan Serxio sheriklarining hujumda bemalol tiki-taka o'ynashiga sharoit yaratib berdi. Xavi, Iniesta va Messilar bilishardiki to'p oldirilsa tayanch zonasida Busketsdek futbolchi bor. Serxio jahon futbolida «Barselona» bilan klub miqyosidagi, «qizil furiya» bilan esa terma darajasidagi barcha katta musobaqalarda g'olib chiqdi.
Futbolchi bisotida JCH va Evropa chempionati oltin medallari, CHLning 3 ta kubogi va LaLiganing 8 ta, Ispaniya kubogining 7 ta oltin medallari jam bo'lgan. Serxio futbolda tayanch zonasida o'ynab turib jamoasining hujumlarini ham qoyilmaqom tarzda boshlab bera olgan kam sonli tayanch yarim himoyachilardan biri. Maestro futbol sendan qarzdor, kamida bitta “Oltin to'p”ga haqli eding...
Jaloliddin.
Bosh sahifaga
206