Avstraliyalik jurnalist Skott Makintayr: "O'zbekiston va Avstraliya guruhdan chiqishiga shubham yo'q"

Unga ko'ra, O'zbekiston terma jamoasi "B" guruhida Avstraliya, Suriya va Hindiston bilan kurash olib boradigan bo'ldi.

Championat.asia saytining uzoq yillik do'sti, avstraliyalik jurnalist Skott Makintayr qura natijalari bo'yicha o'z fikrlarini bildirdi.

"O'zbekiston va Avstraliya terma jamoalari o'rtasidagi so'nggi uchrashuv, Osiyo kubogi-2019da bo'lgan edi. O'shanda O'zbekiston penaltilar seriyasida mag'lub bo'lgan edi.

Bu ikki terma jamoa uchun ham esda qolarli bahs bo'lgan edi, O'zbekiston mag'lub bo'lgani uchun o'sha o'yinni ko'p eslashi aniq. Lekin Avstraliya uchun ham o'sha uchrashuv katta ahamiyatga ega, sababi juda qiyin bo'lgan edi. Avstraliya terma jamoasi bosh murabbiyi Grem Arnold qura natijalari aniq bo'lganidan so'ng, o'z fikrlari bilan bo'lishdi: "Guruhimiz ancha qiyin, lekin Qatar mamlakati biz uchun begona emas".

Haqiqatdan ham Qatar Avstraliya terma jamoasi uchun o'y maydonidek bo'lib qoldi. So'nggi uch yil ichida Qatarda juda ko'p uchrashuvlar o'tkazdi. COVID-19 pandemiyasi vaqti Qatar terma jamoa mashg'ulot bazasi bo'lgan edi. Maydonlar va mamlakat bizga juda yaxshi tanish. O'zbekiston ham raqib sifatida begona emas. Bu jamoaga qarshi kechgan uchrashuvlarni yaxshi hotiralar bilan eslaymiz. O'zbekiston bilan bahs qiyin bo'lishi aniq, sababi ikki terma jamoa guruh favoritlari. O'zbekiston va Avstraliya keyingi bosqichga chiqishiga shubha qilmayapman va guruhdan uchinchi o'rinni egallagan terma jamoa ham nimchorak finalga chiqishi mumkin. Mening fikrimcha bizning guruh eng kuchlilaridan biri, qolgan raqiblarga qarshi ham o'ynash oson bo'lmaydi.

Agar "D" guruhiga etibor qaratsak, bu guruhda ham raqobat ancha kuchli. Yaponiya va Iroq Osiyo kubogida bir necha marotaba chempionlikni qo'lga kiritishgan, Vetnam terma jamoasining hozirgi bosh murabbiyi, 2002 yilgi jahon chempionatida Yaponiya termasini boshqargan (Filipp Trusse - tahr.). Indoneziya termasi ham yosh va iqtidorli jamoa, ularni yorqin futbol namoyish etishadi. "B" va "D" guruhlari eng qiyin kvartetlar nazarimda.

"A" guruhiga qaraydigan bo'lsak, menimcha ushbu guruh "hayot" guruhi, oson jamoalar bir biriga qarshi o'ynashadi. Bitta savol bor: Qatar terma jamoasi qanday ishtirok etadi, sababi ular yaqindagina yangi murabbiy bilan ish boshlashdi va Qatarning futbol falsafasi butunlay o'zgarib ketishi mumkin. Ko'ramiz, kuzatib, bilib olamiz. Yaxshi qura bo'ldi nazarimda, endi Osiyo kubogiga tayyorgarlik ko'rishni boshlaymiz.