O'yin haqida
- Bugun ikkita gol urib, haqli ravishda g'alaba qozondik. Hamma yigitlarni g'alaba bilan tabriklayman.
- Zenan Zaymovich siz kelguningizga qadar gollar urmayotgandi, siz kelgandan keyin esa mana dubl qayd etdi. Zaymovich haqidagi fikringiz?
- Hamma futbolchilarda forma bo'ladi. Har doim ham bir xil o'ynab bo'lmaydi. Biz murabbiylar barcha futbolchilarga yordam berish va o'z darajalarida o'ynay olishlarida ko'maklashish uchun shu erdamiz. Bizdagi barcha o'yinchilar juda yuqori darajagi futbolchilardir. Oldin ham buni aytganman. Barcha murabbiylar shtabi azolari bu kabi o'yinchilar bilan ishlashdan zavq olishyapti. Menimcha, biz bundan ham yaxshiroq bo'la olamiz. To'xtab qolish kerak emas.
- Bu o'yindagi tarkibni keyingi o'yinda ham saqlab qolasizmi?
- Bugungi o'yinda zaxiradan maydonga tushgan barcha futbolchilar o'yinni kuchaytirishdi. Hamma o'yinchilarim men uchun juda muhim. Har doim qaytaraman, barcha o'yinchilarda maydonga tushishga imkoniyat bor. Zaxiradan maydonga tushayotgan har bir futbolchi o'yinni kuchaytirishi lozimligini bilishi kerak. Men uchun barcha o'yinchilarim asosiy 11 talik tarkib uchun nomzod hisoblanishadi. Men murabbiy sifatida kim maydonga tushsa ham, o'yin uslubi o'zgarmasdan qolishini istayman. Kim zaxiradan o'yinga qo'shilsa ham jamoa o'yini yaxshiroq tomonga o'zgarishi kerak.
Bosh sahifaga
288