Yoshlar terma jamoamiz 1992 yildan buyon ushbu musobaqa saralashida qatnashib keladi. Hozircha 15 urinishning 6 tasida kichik mundial yo'llanmasi qo'lga kiritilgan. Har ikki yilda o'tkaziladigan turnirning final bosqichida yoshlar termamiz hozirga qadar 4 bor ishtirok etgan (2021 yili yo'llanma olganmiz ammo Covid 19 sabab o'tkazilmagan). Ularning 2 tasida Turkiya 2013 va Yangi Zelandiya 2015 da chorak finalga qadar etib borilgan bo'lsa, 2 tasida BAA 2003 va Misr 2009 da guruh bosqichidayoq safar qarigan.
Termamiz o'tgan 4 mundialda jami 16 o'yinda ishtirok etib, 4 g'alaba 2 durang va 10 mag'lubiyat qayd etgan. Urilgan gollar soni 20 ta bo'lsa, 30 bor bizning postimiz ishg'ol qilingan. Bir necha kunlardan so'ng 20 mayda Argentina yashil maydonlarida start oladigan turnirga vakillarimiz Osiyo chempionlari sifatida tashrif buyurishadi. Musobaqada Ravshan Haydarov boshqaruvidagi jamoadan qanday natija kutyapsiz izohlarda yozib qoldiring.
Bosh sahifaga
329