Aleksandr Xomyakov: "O'yin oxirida himoyaga yotib olmadik. SHunchaki, raqib bizni himoyalanishga majbur qildi"

O'yin haqida

- Albatta, xafsalamiz pir bo'ldi. Yana o'yinning oxiriga kelib ustunlikni saqlab qola olmadik. Umuman olganda, rejamiz ishladi. O'yin oxirida biz himoyaga yotib olmadik. Aksincha, raqib bizni bunga majbur qildi. Yigitlarga etirozim yo'q. Hamma yaxshi o'ynadi, ammo ikkinchi qavatdan gollar o'tkazdik. Oldinga intilishda davom etamiz. 

- "Andijon" birinchi taymda yaxshi o'ynadi. Ikkinchi taymda esa jamoa o'yinida biroz pasayish bo'ldi...

- Qaytaraman, biz charchab qolganimiz yo'q. SHunchaki, raqib bizni shunga majbur qildi. Ular bor kuchlari bilan hujumga o'tishdi. Menimcha, aynan shuning uchun o'yinimiz chiqmadi. Ikkinchi bo'limda o'rta bloklarda himoyalanib, tezkor qarshi hujumlar tashkil qilish niyatida maydonga chiqqandik. SHu tarzda ikkita vaziyat yaratdik. Bu imkoniyatlar g'alaba qozonish uchun ideal darajada edi. Biroq, undan foydalana olmadik. Alam qiladi, albatta. Ammo, oldinga qadam tashlash kerak.

- Rubin Xebay har o'yin gollar urmoqda. U hozir o'zining eng optimal formasidami?

- Ha, u har o'yinda gol urmoqda. Xebay yana qo'shishi mumkin.

- "Andijon"ning mavsum boshidagi o'yini bilan hozirgi o'yinini taqqoslay olasizmi? Jamoa qaysi jabhalarda o'sdi?

- Hujumdagi muammomiz hali ham bor. Himoyada esa mavsum boshida yaxshiroq edik. Yaxshilangan jihatga kelsak, himoyadan hujumga o'tish jarayonida biroz o'sishga erishdik. Bizda yakkakurashlarga asoslangan futbol. Qarshi hujumga o'tish borasida biroz o'yinimiz yaxshilandi. Pozicion hujumlar, to'pni nazorat qilishda bizda muammolar juda ko'p. Bizga to'p nazorati kerak, chunki har doim ham hujumga o'ta olmaysiz. Ochiqchasiga aytganda, nafas olib olishimiz uchun ham bipga to'p nazorati kerak. Qiladigan ishlar ko'p. Bizda boshqa yo'l yo'q. Oldinga harakat qilish lozim. 

- Rubin Xebay qaytganidan so'ng, jamoaning o'yin uslubi biroz o'zgardi. Jamoa ko'plab hujumlar qilmoqda, vaziyatlar yaratmoqda. Bu Xebay bilan bog'liqmi yoki boshqa sabab bormi?

- Bizda hujumda muammolar bor. Ko'p hujum qilayotganimiz haqidagi gapingizni xushomad deb qabul qildim. Aslida, biz unchalik ham ko'p hujum qilmayapmiz. Muhimi foydali hujum qilish kerak. Hozirgi holatda bu haqida biror narsa deyishim qiyin.