O'zbekiston futbol associaciyasida bo'lib o'tgan tadbirda Birodar Hasanovich bilan bir davrda to'p tepgan sobiq futbolchilar, futbol faxriylari, uning shogirdlari ishtirok etishdi. Xususan, qo'shni Qozog'istondan Qo'ralbek Ordabaev, Tojikistondan Muhsin Muhammadiev tashrif buyurib Birodar Abduraimovni samimiy tabriklashdi va esdalik sovg'alarini topshirishdi.
Muhsin Muhammadiev (Hozirda "Istiqlol" vice-prezidenti) — Birodar Hasanovich Abduraimovni nafaqat O'zbekiston, balki boshqa mamlakatlarda ham hurmat qilishadi. SHu bois butun Tojikiston futboli, tojikistonlik muxlislar nomidan ularni tabriklayman. O'FA rahbariyatiga ham minnatdorchilik bildirib qolaman. Biz ikki hissa xursandmiz. Albatta O'zbekiston futbolini doim kuzatib boraman. SHu erda o'ynaganman, ishlaganman, ajdodlarim shu erlik. O'sish bor, mana yaqinda 20 yoshlilar o'rtasida O'zbekiston Osiyo chempioni bo'ldi. Ularga muxlislik qildik.
Ahmad Ubaydullaev (sobiq futbolchi, murabbiy, futbol faxriysi) — Birodar aka "Paxtakor"da yulduz darajasiga chiqqanlarida men klubning o'rinbosarlar jamoasida to'p tepardim. Ularni ko'rib havas qilardik. Bitta so'z bilan aytsam, juda mehnatkash odam. SHu darajaga kelishlarida asosiy omil mehnatlari, deb o'ylayman. Keyinchalik "Umid-79" jamoasida birga ishladik. Bu odamdan faqat o'rnak olsak arziydi.
SHuhrat Maqsudov (sobiq futbolchi, "Paxtakor" akademiyasi direktori) — Birodar Hasanovichni 80 yoshlari bilan o'zimni qolaversa, "Paxtakor" akademiyasi nomidan chin qalbimdan tabriklayman. Ochig'i havas qildim. Bizga ham nasib qilsin. 1987 yil "Paxtakor" jamoasiga meni aynan Birodar Abduraimov olib kelgan. O'sha vaqtda 10 sinfda o'qirdim. "CHig'atoy"dagi o'yinalarimni ko'rib, oldilariga chaqirganlar. Katta futbolga qadam qo'yishimga Birodar Abduraimov sababchi, deya olaman.
Abdulaziz Iskandarov yozib oldi
Bosh sahifaga
313