- Ushbu mag'lubiyat uchun revansh olgan bo'lardim. Ammo "Navbahor" o'z kuchi, darajasida o'ynadi va tashabbusga ega bo'ldi, yaxshi vaziyatlar yaratdi. Biz esa jiddiy imkoniyatlarga ega bo'lmadik. SHu sababli "Navbahor" adolatli g'alaba qozondi, deb hisoblayman va ularni tabriklayman.
- Ijtimoiy tarmoqlarda "Andijon" klubining moliyaviy holati tang ekanligi borasida malumotlar berilmoqda. Bu haqida nima deya olasiz?
- Bu borada gapira olmayman. Keling, bu savolni ochiq qoldiramiz. Jamoa belgilangan reja asosida o'yinlarga tayyorlanmoqda. Yashayapmiz, hayot davom etadi. Barchaning o'z muammosi bor. Keling, o'yin bobida gaplashaylik.
- Superliganing so'nggi ikki uchrashuvida "Andijon" so'nggi daqiqalarda gol o'tkazib yubormoqda. SHu pallada 5 himoyachi bilan o'ynab, natijani ushlab qolish mumkinmidi?
- Olti yoki etti himoyachi bilan o'ynasa ham bo'lardi. Bunday o'ynashdan mano nima? Masalan, bir o'yinda 10 himoyachi bilan o'ynasak ham bo'lardi. Gap bunda emas. Savol biroz noto'g'ri. Bunday pallada Siz o'yinning borishini, gollar qanday urilganini hisobga olishingiz kerak. Masalan, bugun besh himoyachi bilan o'ynashdan mano bo'lmasdi. Bazida holat yarim himoyachilarning himoyaga yordam berishini taqozo qiladi. O'tgan o'yinda biz so'nggi burchak zarbasida havodagi kurashda mag'lub bo'lmaganimizda edi. SHu sababli savolni noto'g'ri deb hisoblayman. Kerak bo'lsa olti himoyachi bilan ham o'ynataman. SHunchaki bu erdagi nyuanslar boshqacharoq.
Jismoniy holat bo'yicha yutqazmadik, himoyaga yotib olmadik. SHunchaki qaerdadir etiborni yo'qotyapmiz. Qaerdadir mahorat etishmayapti. To'g'ri, chempionatning so'nggi ikki o'yinida 80-daqiqadan keyin gol o'tkazib yuboryapmiz. Ammo bunga hali o'zim ham javob topganim yo'q.
- CHempionatdagi "Navbahor"ning Kubokdagi "Navbahor" bilan farqi nimada?
- Farq doimo bor. Umuman olganda, "Navbahor" bilan o'ynash doim qiyin bo'lgan. Biz ham harakat qilyapmiz, o'sish jarayonidamiz. Agarda o'tgan o'yinda "Navbahor" total ustunlikka ega bo'lgan bo'lsa, biz asosiy vaqtimizni himoyada o'tkazgan bo'lsak, bugun esa biz o'yinni nazorat qilishni istadik, to'p bilan xotirjamroq bo'ldik. Bugungi o'yin holati menga ko'proq yoqdi. SHunda ham hujumda muammolarimiz ko'pligini bilib turibmiz. Vaziyatlarimiz ko'p emas, asosan standartlardan keyin imkoniyatlarga ega bo'lyapmiz. O'tgan o'yindan ham, bugungi o'yindan ham mamnunman. Harakat qilyapmiz, biroq tajriba etishmayapti.
Bosh sahifaga
301