Boisi, shu kuni bir yo'la ikki nafar tarbiyalanuvchi, hali 18 yoshni qarshi olib ulgurmagan Narimon Ahmadjonov va Ulug'bek Kenjaev “Bunyodkor” safidagi debyut uchrashuvini o'tkazdi.
Murod Nodirovich boshchiligidagi murabbiylar shtabi 2023 yilgi mavsum uchun tarkibni shakllantirishda tajribali futbolchilar bilan bir qatorda iqtidorli yoshlarga ham etibor qaratdi. Narimon Ahmadjonov va Ulug'bek Kenjaev shu etiborning samarasi deyish mumkin. Murabbiylar nafaqat o'rinbosarlar, balki O'zPFL va Toshkent futbol associaciyasi doirasidagi musobaqalarda ishtirok etayotgan barcha “Bunyodkor” jamoalarini to'liq kuzatib bormoqda. Jamoalar safidagi iqtidorli o'yinchilar asosiy tarkib mashg'ulotlariga taklif etilmoqda. So'zimizga yorqin misollardan yana biri, Amir To'raqulov. 2022 yilgi mavsumda hatto o'rinbosarlar tarkibida 1 daqiqa ham to'p surmagan iqtidorli yarim himoyachi O'zbekiston Kubogining guruh bosqichi 1-tur doirasida “Neftchi”ga qarshi bahsda “qaldirg'ochlar” safidagi ilk uchrashuvini o'tkazdi.
Vaholanki, mavsum avvalida “Bunyodkor”ning U-19 Respublika chempionatida ishtirok etadigan jamoasi uchun ro'yxatdan o'tkazilgan. To'raqulovning iqtidorini sezgan murabbiylar asosiy tarkib mashg'ulotlariga jalb qildi va bugungi kunda bosh jamoaning doimiy azosiga aylangan. Amir bu yil 19 yoshni qarshi oladi. O'rinbosarlar sardori Aleksandr Zevadinov ham muntazam ravishda akalari bilan mashg'ulotlarda qatnashmoqda. SHuningdek, Bobur Yorbekov, Mirkamol Annamatov, Sudaysiy Jo'raboev, Mirsaid Tursunmatov va Abdufattoh Foziljonov singari iqtidorlar ham Murod Otajonov boshchiligidagi murabbiylar shtabining nazoratida bo'lib turishi bilan qatorda, asosiy tarkib mashg'ulotlariga taklif etilmoqda. Bemalol ayta olamizki, kelajak ishonchli qo'llarda. Bugun asosiy tarkibdagi akalarining ortidan kelayotgan iqtidorli yoshlar yaqin kelajakda “Bunyodkor”ning ustuniga aylanishadi. Va albatta bunda murabbiylarning uzoqni ko'zlab ish olib borayotgani asosiy omil desak mubolag'a bo'lmaydi.
“Bunyodkor” akademiyasi doimo bosh jamoa poydevori bo'lib qoladi!
Bosh sahifaga
598