Bir necha yil ilgari ijtimoiy tarmoqlarda tug'ilganlik haqidagi guvohnoma surati tushirilgan surat tarqaldi. Unda xorazmlik ota o'g'liga Messi ismini qo'ygani aks ettirilgandi.
Diqqatga sazovor tomoni shundaki, otaning ismi Maradona bo'lib, u ikki mashhur futbolchi Lionel Messi va Diego Maradonaning ashaddiy muxlisi bo'lgan. U o'z kumirlaridan ilhomlanib, o'g'liga Messi deb ism qo'ydi. Natijada bolaning to'liq ismi Messi Karimov Maradona o'g'li bo'lib qoldi. Hozirda Messi 13 yoshni qarshi olgan.
Undan keyin ham turli futbolchilarning ismlari qo'yilgan guvohnamalar suratlari ijtimoiy tarmoqlarda tarqalgan, biroq tasdiqlanmagandi.
SHuningdek, mamlakatimizda Maradona ismli futbolchi ham bor. 1994 yil tavallud topgan Maradona Safarovning futbolchilik faoliyati ismiga mos tarzda o'tmadi. "Mashal", "SHo'rtan", "Dinamo" kabi klublarda to'p tepgan qashqadaryolik futbolchi ayni damda Qirg'izistonning "O'sh" klubi sharafini himoya qiladi.
Oqil Abdubarnoev tayyorladi
Bosh sahifaga
546