Video  Sergey Kucherenko: "Nasaf" yashagan, yashamoqda va yashashda davom etadi"

"Viloyat hokimi, O'FA rahbariyati va O'zbekneftgaz rahbariyati tomonidan katta ish qilindi. 9 fevral kuni Toshkentda O'zbekneftgaz rahbari Muhiddin Abdullaev boshchiligida yig'ilish o'tkazildi. U kishiga klubni qo'llab-quvvatlagani, O'zbekneftgaz qaramog'idgi klublarning moliyalashtirilishi yaxshilangani uchun minnatdorchilik bildiraman.

Asosiy tarkib reja bo'yicha ishlamoqda. 8 nafar futbolchi terma jamoalar safida yig'inda. Ular 18 fevral kuni etib kelishadi, "Nasaf" Toshkentga boradi va 3ta nazorat uchrashuvi o'tkazadi. 1 mart kuni Qarshida O'zbekiston Superkubogidan oldingi nazorat o'yini o'tkaziladi. 6 mart kuni Superkubok uchun "Paxtakor"ga qarshi bahs bo'ladi. Selekciya ishlari davom etmoqda.

Futbol maktabimiz o'quvchilari o'qishga qaytishdi va reja bo'yicha darslarga qatnashmoqda.

Klubimizning ashaddiy futbol muxlislariga murojaat qilmoqchiman, "Nasaf" yashagan, yashamoqda va yashashda davom etadi. "Nasaf"da barchasi joyida", - deydi Sergey Kucherenko videomurojaatda.