Murod Otajonov: "Futbol ikki taymdan iborat. Birinchi bo'limda umuman o'ynamay, ikkinchi taymda gol urishdan foyda yo'q. "Navbahor"ni tabriklayman. Birinchi taymda o'yin natijasini hal qilib, ikkinchi ikkinchi taymda taktik sxemalarini sinab ko'rdi. O'zgarishlardan so'ng o'yinimiz qovushib ketdi deb o'ylayman. Qaytaraman, futbol 2 tamdan iborat.
- Himoyachi Davron Ergashevning yo'qligi sezildimi?
- Albatta, Ergashevdek tajribali futbolchi yo'qligi tasir qildi.
- "Navbahor"dan shunday o'yin kutganmidingiz? Tezkor gol "Bunyodkor"ni sindirib qo'ydimi?
- "Navbahor" hamisha hujumkor futbol namoyish etgan. Ular safida 3-4 nafar terma jamoa vakillari to'p tepadi. 30-daqiqalarda 0:4 bo'ladi deb o'ylamagandik. Tezkor gol yigitlarni sindirib qo'ygani yo'q, ikkinchi bo'limda o'zimizga kelib, gol urishga muvaffaq bo'ldik. Birinchi taymdagi 7ta zarbaning 1tasi ustunga tegdi, 5tasi darvozamizga kirib ketdi. Raqibning tajribasi o'z so'zini aytdi.
- "Bunyodkor" bugun ikkinchi qavatdagi kurashlarning deyarli barchasida mag'lub bo'ldi. Jamoangiz standartlar ustida ishlamayaptimi?
- "Navbahor" bizdan ko'proq ishlayotganga o'xshayapti. Vaziyatlarda mashg'ulotlardagi kabi haraka qila olmadik.
Bosh sahifaga
217