O'yin haqida
- Derbi maqomiga mos o'yin bo'ldi. "Mashal"ning "Lokomotiv"ga qarshi o'yinini ko'rib tahlil qildik, astoydil tayyorlandik. Futbolchilar borini berib harakat qilishdi. Bizni qo'llab-quvvatlab turgan muxlislarimizga rahmat. Barchani, xususan klub rahbariyatini g'alaba bilan tabriklayman.
- Bugun "SHo'rtan" jadvalda 4-o'rindagi jamoani mag'lub etdi. O'tgan turda "Aral" bilan durang o'ynagandi. Bu nima bilan bog'liq?
- "Aral" bilan suniy maydonda o'ynadik, bu juda qiyin. Futbolchilarimga rahmim keldi to'g'risi. Men bunga qarshiman. Maydon egalariga bu narsa qo'l kelishi mumkin. Masalan, o'tgan mavsumda "Xorazm" ham suniy maydonda o'ynagandi. Bunda mehmon jamoalarga qiyin bo'ladi. Bugun yigitlar maydonda men talab qilgandek o'yin namoyish etib berishdi.
- Ulug'bek Xudoyberdievning jarohati haqida...
- Xudoyberdiev mashg'ulotlar vaqtida jarohat oldi. Bizda himoyachilar muammosi bor. Masalan, Mirzohid Mirzamahmudov, SHahboz Jo'raevlar jarohatda. Azamat Abdullaev klub bilan o'zaro kelishuvga ko'ra xayrlashdi. SHu sababdan Xudoyberdiev burnidagi jarohatni avaylash uchun maxsus niqob bilan maydonga chiqdi.
- "SHo'rtan" o'yingacha 9 kun dam oldi. "Mashal" esa 3 kun. Mutaxassis sifatida mazkur taqvimga munosabatingiz qanday?
- Futbolchi 2 kundan tiklanishi mumkin. Musobaqa tashkilotchisi tuzgan taqvim, biz ularning ishiga aralasha olmaymiz. Vaqti kelsa zich taqvim bizga ham duch kelib qolishi mumkin.
Bosh sahifaga
269