FIFA argentinalik muxlislarning noroziligiga sabab bo'lgan munozarali qaror qabul qildi

Xalqaro futbol federaciyasi (FIFA) 20 yoshgacha bo'lgan futbolchilar o'rtasidagi jahon chempionati doirasida orollar sharafiga nomlangan "Mendoza" stadionida o'rnatilgan davlat bayrog'i Folklend orollari (ispanchada Malvin orollari) ramzini berkitishni talab qildi. Bu esa ijtimoiy tarmoqlarda muhokamalarga sabab bo'ldi.

"Malvinas", "Antartida" va "Atletiko Sur" kotibi Gilermo Karmona xalqaro tashkilotning ushbu qarorini tanqid qildi. SHuningdek, u Mendoza hukumati bu haqda Tashqi ishlar vazirligi bilan maslahatlashmagani va FIFA bilan muzokaralarda qoniqarli tushuntirish berilmaganini takidladi.

Bir paytlar urushda qatnashgan Ektor Naveda ismli faxriy tomoshabin o'zi uchun odatiy bo'lgan Folklend orollari tasviri tushirilgan bosh kiyimda kelgani sababli seshanba kuni "Mendoza" stadionida bo'lib o'tgan AQSH va Fiji uchrashuviga kiritilmadi. 

"O'z provinciyamda bunday voqeaga duch kelaman deb sira o'ylamagandim. Stadionga borganimda, ikki FIFA xavfsizlik xodimi meni kirita olmasligini aytishdi. "Nega?" deb so'rasam, Folklend tasviri tushirilgan bosh kiyim kiyganimni aytishdi va uni echishni so'radi. Men esa bosh kiyimni echmasligimni, ortga ham qaytmasligimni aytdim. CHunki men hech qanaqa provokaciya qilgani kelganim yo'q. Mening aybim Folklend faxriysi bo'lganimmidiki, policiya meni olib chiqib ketishdi. Men o'zim uchun xafa bo'lganim yo'q, balki birinchi marta nabiram bilan o'yinga kelgandim", dedi faxriy ishqiboz.