Mourinyu: “Bu “mushuk-sichqon” o'yini bo'ldi”

“Agar buni fantastika deb aytsangiz, mayli shunday bo'la qolsin. Bu masalada neytral emasman. 4 ta gol urganingdan keyin g'alaba qozonishing kerak. O'yinimizni hisobga olsak, “Tottenxem” xotirjamlik bilan zafar quchishi mumkin edi. Hujumkor futbol va himoyadagi xatolar.

Futbolchilar bor kuchi bilan o'ynashdi. Tan olishim kerakki, ularning bazilari uchun oson bo'lmadi, chunki yaxshi o'ynab turganingda, avvaliga bitta, keyin ikkita, so'ng uchta xatoga yo'l qo'yib, 1:3 ga yutqazayotgan bo'lasan. Yaxshi, ijobiy tomonlarini ham aytaman, buni kuzatish zavq berdi.

Uchrashuv menga yoqdi va yoqmadi. Biz to'p bilan qanday o'ynaganimiz maqul keldi. Barchamizga og'ir. Haqiqatan to'p bilan yaxshi harakat qildik, matonatli o'ynadik, hisob 1:0 bo'lganida raqibdan ustun edik, 5 daqiqadan keyin esa xato, xato, xato, gol, gol, gol.

Kurashni davom ettirdik, ammo yangi xatolarga yo'l qo'ydik. Bu “mushuk-sichqon” o'yini bo'ldi. Sichqonlar – bizning xatolarimiz, mushuklar – ularni tuzatishga urinishlarimiz”, deydi Joze.