"Roma" hujumchisi Paulo Dibala Evropa Ligasi finalida "Sevilya"ga qarshi o'yinni o'tkazib yuborishi mumkin. Bu haqda rimliklar bosh murabbiyi Joze Mourinyu malum qildi.
"Menimcha, u o'ynay olmaydi. Lekin rostini aytaman: umid qilamanki, u hech bo'lmaganda zaxira o'rindig'ida o'tiradi. Agar Paulo zaxira o'rindig'ida bo'lib, 15-20 daqiqaga maydonga tusha olsa, men bundan xursand bo'laman", – dedi mutaxassis.
Argentinalik futbolchi to'pig'idan olgan jarohati tufayli "bo'rilar"ning so'nggi 4 ta o'yinini o'tkazib yubordi. U joriy mavsum barcha turnirlarda 36 ta o'yin o'tkazib, 16 ta gol va 8 ta golli uzatmani amalga oshirdi.
"Sevilya" hamda "Roma" o'rtasidagi Evropa Ligasi final uchrashuvi 31 may, chorshanba kuni bo'lib o'tadi.
Bosh sahifaga
183