- Fikrlarim salbiy. Jamoam qizil kartochkaga qadar yaxshi o'yin ko'rsatayotgandi. Qizil kartochka borasidagi vaziyatni ko'rmadim, shu sababli nimadir deya olmayman. CHetlatishdan keyin bizga qiyinlik qildi, kamchilik bo'lib o'ynash oson bo'lmadi. Qanchadir vaqt mobaynida darvozamiz daxlsizligini ushlab turdik, keyin yigitlarda kuch qolmadi. Kamchilik bo'lib o'ynash juda qiyin. Raqiblar katta bosim uyushtirdi va kerakli gollarini urdi.
- "Turon"dagi faoliyatingizda liganing 5 o'yinida qatnashib, 1 ochkoga ega bo'ldingiz. Bu borada fikringiz qanday?
- Keling, bugungi o'yin haqida gaplashaylik. Barcha uchrashuvlarda bizda etarlicha imkoniyatlar bo'lmoqda. Bugun ham qizil kartochkagacha ishlar yaxshi edi, hisobda oldinda borayotgandik. Hisobdagi farqni oshirishimiz ham mumkin edi. Agarda biror o'yinda jamoam oxirigacha o'ynamay tashlab yuborayotgan bo'lsa, gapirsa bo'lardi. Biroq jamoam oxirigacha kurashmoqda, o'ynamoqda. Qandaydir detallar o'yin taqdirini hal qilyapti. Jamoaning kelajagiga yaxshi umid bilan qarayapman. Tarkibimizda yosh futbolchilar juda ko'p, ular professional futboldagi ilk qadamlarini tashlashmoqda.
- "Andijon"dan shunday o'yin kutganmidingiz?
- Istalgan jamoaga bu erda qiyin bo'ladi. SHu sababli 120 foiz, balki, undan ham ko'proq kuch bilan o'ynash kerak. Turnir jadvalining birinchi yoki ikkinchi qismidagi jamoa deb ajratilmaydi va maksimal kuch bilan o'ynash kerak. Afsuski, bugun biz mag'lub bo'ldik.
- Aleksandr Xomyakov bilan munosabatlaringiz yaxshimi?
- Ha, u bilan tanishman. Birgalikda licenziya uchun o'qiganmiz. Anchadan buyon u bilan ko'rishmagandim, ko'rib xursand bo'ldim. Uni g'alaba bilan tabriklayman va navbatdagi uchrashuvlarda omad tilayman.
Bosh sahifaga
587