Video  Nodirbek Abdurazzoqov: "Duo qilib tursangiz, keyingi bosqichga ham yo'l olamiz"

- Gvatemala ustidan qozonilgan g'alaba va pley-off bosqichi bilan tabriklaymiz. Guruh bosqichidagi so'nggi o'yin qanday o'tdi?

- Xudoga shukur, yutib oldik. O'yin biz uchun har taraflama yaxshi o'tdi. Statistika tomonlama ham, o'yin bobida ham chiroyli o'yin ko'rsatdik.

- Maydonga tushib, gol urdingiz va u goldan keyingi emociyalar zo'r chiqqandi. Lekin, afsuski, gol ofsayd tufayli VAR yordamida bekor qilindi...

- Gol ura oldimu, afsuski, hisoblashmadi. Golni bizning negativchilarimizga, ilk navbatda ota-onamga, yaqinlarimga va ikkinchi navbatda barcha negativchilarga bag'ishlamoqchi edim.

- O'zbekiston guruh bosqichidagi barcha uchrashuvlarini Santyago del Estero shahrida o'tkazdi. SHahardan qanday taassurotlar oldingiz?

- SHaharga chiqib aylana olmadik. CHunki bunga vaqtimiz ham bo'lmadi. Lekin biz bo'lib turgan mehmonxonadagi insonlar juda samimiy ekan, qo'lidan kelgancha yaxshiliklar qilib, har tomonlama yordam berib turishdi. Muxlislar esa haqiqatdan ham futbolni tushunadigan muxlislar ekan. 

- O'zbekiston termasi pley-off bosqichida Isroil bilan kuch sinashadi. U jamoaga qarshi tayyorgarlik qanday ketmoqda? Jamoada kayfiyat qanaqa?

- Har o'yin oldidan raqibni chuqru o'rganamiz. Jamoadagi kayfiyat alo darajada. Barcha yaxshi kayfiyatda. Duo qilib tursangiz, keyingi bosqichga ham yo'l olamiz.

- O'zbekiston termasining potenciali qaysi bosqichgacha etadi deb o'ylaysiz?

- Xudo xohlasa, barchasini amalda ko'rsatamiz. Barcha futbolchilar bilan birga eng yuqori maqsadlarni ko'zlaganmiz. 

- Jamoatchilikda ko'p muhokamalarga sabab bo'lgan intervyu haqida nima deysiz? Uni qanday qabul qildingiz?

- To'g'risi, o'sha paytda bunga unchalik ahamiyat ham bermadim. Aslida futbolchilar bunday narsalarni o'ylamasligi kerak deb o'ylayman. Biz maydonda harakat qilishimiz kerak. Jurnalist bilan gaplashib oldik, keyingi safar savollarga sal xushyorroq bo'lib olsalar bo'ldi. Oramizda hech qanday gaplar yo'q. Barchamiz Xudoning bandasimiz, xato qilishga haqqimiz bor.

- Isroil bilan o'yindan oldin muxlislarga tilaklaringiz.

- Bizga muxlislik qilishda davom etishsin. Menimcha, Osiyo chempionatidagi muvaffaqiyatimiz siri ham shunda. Ota-onalarimiz, muxlislarimiz doimo duo qilib turishdi. Barcha gap duoda deb o'ylayman. Yaxshilab duo qilib tursangiz, barchasi yaxshi bo'ladi. Muxlislarni xursand qilishga harakat qilamiz.