Havaskor sportchilar o'rtasida tashkil qilingan ushbu musobaqada 12ta jamoa kurash olib bordi va yakunda UZPSB chempionlikni qo'lga kiritdi. VOSTOK kumush medallarga ega chiqqan bo'lsa, bronza medallar TTG futzal klubiga nasib etdi.
Barcha o'yinlarga Yunusobod sport majmuasi hamda Moliya institut sport zali mezbonlik qildi. Oxirgi tur o'yinlari o'tkazilganidan so'ng LLF Tashkiliy qo'mita tomonidan taqdirlash marosimi o'tkazildi.
Tadbir davomida barcha ishtirokchi jamoalarga estalik sovg'alar, har ikki sport majmuasi rahbariyatiga tashakkurnoma, musobaqani yuqori saviyada o'tkazishda yaqindan yordam bergan homiylarga minnatdorchilik sovg'alari taqdim etildi. SHuningdek, g'olib va sovrindorlarga medallar va chempion UZPSB futzal jamoasiga bosh sovrin kubok topshirildi.
Bundan tashqari 7ta nominaciya bo'yicha mavsumning eng yaxshilari aniqlandi:
1. Eng yaxshi yosh o'yinchi - Bekzod Ubaydullaev (UZPOST)
2. Eng yaxshi assistent - SHuxrat Axmedov (UZPSB)
3. Eng foydali o'yinchi - Aliakbar Bayburin (UZPSB)
4. Feyr pley sohibi - Nodir Isroilov (DHL)
5. Eng yaxshi to'purar - G'ayrat Ismoilov (UZPSB, 52 gol)
6. Eng yaxshi darvozabon - Bekzod Amanullaev (VOSTOK)
7. Mavsumning eng yaxshi o'yinchisi - Azamat Boymatov (VOSTOK)
Bosh sahifaga
345