- O'yin haqidagi fikrlaringiz?
- Bugun xar xil ikkita taym guvohi bo'ldik. Birinchi taymda juda yaxshi o'yin namoyish etdik. Pressingda yaxshi harakatlandik. Ikkinchi taymda esa, himoyaviy o'yin uslubiga o'tdik. Gol o'tkazib yuborganimizdan so'ng ham yigitlar hujum qilishdi va oldinga borishdi. CHempionatimizning eng kuchli jamoalaridan biriga qarshi o'ynash oson bo'lmasligi aniq edi.
- Bugun Silvanus Nimeli yorqin o'yin ko'rsata olmadi. Bunga sabab "Paxtakor" himoyachilari Nimelini yaxshi o'rganib chiqishganimi?
- Ha, "Paxtakor" himoyachilari Nimelini yaxshi o'rganib chiqishibdi. Birinchi taymda Nimeli ko'proq vaziyat yaratish bilan shug'ullanayotgan edi, ikkinchi taymda esa u ko'proq markaziy hujumchi sifatida o'ynadi. O'ylaymanki u bugun yomon o'yin namoyish etmadi.
- "Surxon" jamoasiga 90 daqiqa maydonda harakat qilishga jismoniy holati etishmayotgani sabab, jamoa bugun mag'lub bo'ldi deb o'ylaysizmi?
- To'g'risini aytsam kuchli pressing bilan o'ynash juda ko'p kuch talab etadi. Birinchi taymda yigitlar kuchga to'la edi va shu sabab "Paxtakor"ni ancha qiynab qo'yishdi. Fikringizga qisman qo'shilaman. Yigitlar ikkinchi taym so'ngida ham yaxshi harakat qildi.
- So'ngi o'yinlarda Asilbek Jumaevga qarshi ko'p follar ishlatilayotgandek. Bunga fikringiz qanday?
- Asilbek yosh va juda talantli futbolchi. U himoyachilarga qarshi borishdan qo'rqmaydi va dribling ishlatadi. U qo'rqmay ikkita himoyachiga qarshi ham o'ynay oladi. SHu sabab himoyachilar ko'p fol ishlatishadi. Himoyachini bir ikki marotaba aldab o'tsangiz, u keyingi safar sizga qarshi fol ishlatadi.
- "Paxtakor" o'tgan mavsum "Surxon"ni ikki to'qnashuvda ham mag'lub eta olmadi. Bu mavsum esa "Paxtakor" "Surxon"ga qarshi juda qiynaldi. Kelajakda "Paxtakor"ga qarshi "Surxon" qanday o'ynay oladi?
- Hozirgi kunda barcha jamoalarning imkoniyatlari tenglashib qoldi. Musobaqa jadvalida pastki o'rinlardan joy olgan jamoalar qo'rqmay "lider"larga qarshi o'ynash olishmoqda, avvallari unday emas edi Jamoalarning moliyaviy holatlari ham juda har xil edi. Men kelajakda "Paxtakor"ni mag'lub eta olishimizga ishonaman.
Bosh sahifaga
333