O'yin haqida
- "Buxoro"ni pley-off yo'llanmasi bilan tabriklayman. Yigitlarga rahmat, qo'llaridan kelgancha harakat qilishdi. Bugun bizni faqat g'alaba qoniqtirardi. "Buxoro" baribir Superliga jamoasi bo'lgani uchun klassda ustunlik qildi.
- Jamoangiz o'yinidan qayd darajada qoniqdingiz?
- Futbolchilarimga hech qanday etiroz yo'q. O'yindan oldin qiyin bo'lishini bilardik. "Buxoro" Superliga jamoasi hisoblanadi.
- "SHo'rtan" bir necha yildan beri Pro ligada harakat qilmoqda. Oldinlari klub Superliganing muntazam ishtirokchisi edi. Klub yana Superligaga qaytishiga nima halal bermoqda?
- "SHo'rtan" oldinlari Superligada harakat qilardi. Klubning qarzi ko'payib ketgani sababli jamoada muammolar bo'lardi. Hozir esa rahbariyatga rahmat aytmoqchiman. Ayni damda hech qanday murabbiy yoki futbolchidan jamoa qarzdor emas. Yaqin muddat ichida klub oldiga Superligaga chiqish vazifasi qo'yiladi va "SHo'rtan" bunga arziydi.
- "SHo'rtan" bugun bosimsiz, erkin o'ynadi. Bu sizning ko'rsatmangiz edimi?
- Har bir o'yindan oldin yigitlarga istalgan jamoa bilan o'ynash mumkinligini aytaman. Tezroq qaror qabul qilib, harakat qilinsa, Pro Liga va Superliga darajasi unchalik ham katta emas va natijaga erishsa bo'ladi. Futbolchilarim harakat qilishdi. Ularda o'zlariga ishonch ham bor edi. Bugun ham g'alaba qozonamiz deb maqsad qo'ygandik. Umuman, istalgan turnirda "SHo'rtan" g'alaba uchun maydonga chiqadi. Bugun ham masalan, 10 kishi bo'lib qolganimizga qaramasdan oldinga bordik. Yana bir bor "Buxoro"ni tabriklayman.
- "Buxoro" sizga begona emas. Ikki yil oldin jamoada ishlagansiz. O'sha davrdagi "Buxoro" va hozirgi jamoaning bir biridan farqi bormi?
- Albatta, farqi bor. Biz ishlagan davrda jamoa Pro ligada o'ynardi, hozir Superligada. Futbolchilarning jarajasida ham farq bor. Bugun ham so'nggi daqiqalarda ular bizni jazolab qo'yishlari mumkin edi. Biroq, vaziyatni yakunlaydigan o'yinchi topilmadi. "Buxoro"ga Superligadagi o'yinlarida omad tilayman. "Buxoro" jamoasi va muxlislari Superligaga munosiblar.
Bosh sahifaga
330