Garchi amaldagi shartnomasi bo'lsa-da, posbon yozda jamoasini o'zgartirmoqchi. Yangi mavsum oldidan "Tottenxem" tarkibida inqilob bo'lishi kutilmoqda. Ayni damlarda jamoa hujumchisi Xarri Keynning ham yozda ketishi kutilmoqda.
Tajribali posbon "Get French Football News" nashriga bergan intervyusida London klubidagi faoliyati yakunlanganini va jamoadan ketishga hozirlanayotganini aytdi.
"Klub yoki men uchun muhim pallalarga etib keldik. Bu buyuk hikoyaning yakuni bo'ldi. Qandaydir yangilanishlarni istayapman.
Ayni imkoniyatlarimni solishtirib ko'ryapman. SHu bilan birgalikda shartnomam borligini ham bilaman. Biroq futbolda kelajakda nima bo'lishini oldindan aytish juda qiyin".
Loris 2012 yildan buyon "Tottenxem" tarkibida harakat qilib kelmoqda. O'tgan 11 yil davomida u 447 o'yinda qatnashib, 151 quruq o'yin o'tkazdi.
36 yoshli francuz "Tottenxem"da sardorlik ham qilayotgandi. Uning klubi bilan yana bir yillik shartnomasi bor.
Bosh sahifaga
370