Terma jamoa ustozi Grem Arnold amaldagi Jahon chempionlariga qarshi kechadigan bahs uchun 23 nafar futbolchini chaqirdi.
Ro'yxatdagi 7 nafar futbolchigina Avstraliya chempionatida to'p tepadi, qolgan 16 futbolchi xorij klublari sharafini himoya qiladi.
CHaqiruv olganlar orasida Metyu Rayan, Xarri Suttar, Aydin Xrustich, Metyu Leki va Jeymi Maklaren kabi mashhur nomlar bor.
Trent Seynsberi, Aziz Bexich, Aaron Muy, Jekson Irvin, Milosh Degenek va Aver Mabil kabi futbolchilar bo'lajak yig'inga chaqiruv olishmagan.
Malumot uchun, Argentina - Avstraliya uchrashuvi 15 iyun kuni Xitoy poytaxti Pekin shahridagi "Ishchilar" ("Worker's") stadionida bo'lib o'tadi.
Avstraliya terma jamoasi kelgusi yil yanvar oyida bo'lib o'tadigan Osiyo kubogi guruh bosqichida O'zbekiston, Hindiston va Suriya bilan to'qnash keladi.
Avstraliyaning Argentina bilan o'yin uchun chaqirilgan futbolchilar ro'yxati:
Darvozabonlar: Metyu Rayan (AZ, Niderlandiya), Joe Gauchi ("Adelaida Yunayted"), Tom Glover ("Melburn Siti").
Himoyachilar: Xarri Suttar ("Lester Siti", Angliya), Kye Roules ("Xart of Midlotian", SHotlandiya), Nataniel Atkinson ("Xart of Midlotian", SHotlandiya), Joel King (OB, Daniya), Janni Stensness ("Viking", Norvegiya), Rayan Strain ("Sent Mirren", SHotlandiya), Jordan Bos ("Melburn Siti"), Alessandro Cirkati ("Parma", Italiya).
Yarim himoyachilar: Aydin Xrustich ("Verona", Italiya), Rayli Makgri ("Midlsbro", Angliya), Konnor Metkalf ("Sankt Pauli", Germaniya), Kianu Bakkus ("Sent Mirren", SHotlandiya), Danis Genreau ("Tuluza", Franciya), Kameron Delvin ("Xart of Midlotian", SHotlandiya), Ayden O'Nil ("Melburn Siti"), Aleksander Robertson ("Manchester Siti", Angliya).
Hujumchilar: Metyu Leki ("Melburn Siti"), Jeymi Maklaren ("Melburn Siti"), Mitchell Dyuk ("Machida Zelvia", Yaponiya), Brandon Borello ("Vestern Sidney Vondrers").
 Argentina | Friendlies . 1-tur 15/06/2023, 15:00 - : - Boshlanmadi |  Australia |
Bosh sahifaga
354