Ovoz berishda "Championat.asia" va Transfermarkt portalining rus bo'limi xodimlari, ekspert sifatida O'zbekistondagi taniqli futbol sharhlovchisi Otabek Jo'raev ishtirok etdi.
Oston O'runov katta farq bilan Superligada may oyining eng yaxshi futbolchisiga aylandi. "Navbahor"ga qaytgan "Spartak" va "Ufa" sobiq futbolchisi yuqori samaradorlik namoyish etmoqda. O'runov may oyida 4 ta o'yinda 3 ta gol urdi. Unga respondentlarning 52 foizi ovoz berdi. Ostonning eng yaqin taqibchilari "So'g'diyona"dan Zenan Zaimovich va "Andijon"dan Rubin Xebay undan ko'proq (4 tadan gol) urganiga qaramay, har biri 17 foizdan ovoz to'pladi.
Qizg'in kechgan kurashda Transfermarkt va "Championat.asia" talqinlari bo'yicha may oyining eng yaxshi murabbiyi unvoni "So'g'diyona" ustozi Ivan Boshkovichga nasib etdi. Uning qo'l ostida jamoa qisqa vaqt ichida quyi ligaga tushib ketish zonasidan chiqib keta oldi. May oyida "So'g'diyona" 4 ta uchrashuvda 3 ta g'alabaga erishdi. Boshkovich uchun respondentlarning 34 foizi ovoz bergan bo'lsa, ikkinchi o'rinni 30 foiz ovoz bilan "Navbahor" bosh murabbiyi Samvel Babayan egalladi (4 ta uchrashuv, 3 ta g'alaba, 1 ta durang).
Bosh sahifaga
321