Superligada mag'lubiyatsiz odimlayotgan "Neftchi"ning ham tabiiyki bu borada o'z rejalari bor. Farg'onaliklar ustozi Vitaliy Levchenko bilan suhbat jarayonida transferlar, kubokda guruhda qolib ketish va chempionat bahslari haqida ayrim fikrlarni oldik.
- Superligada birinchi davra deyarli yakunlandi. Mavsum jamoa uchun yaxshi boshlangan, ketma-ket g'alabalar qo'lga kiritila boshlandi. Ammo o'rtada duranglar seriyasi boshlanib ketdi...
- Haqiqatdan ham "Neftchi" uchun mavsum omadli boshlandi. Keyinchalik esa pasayish yuz berdi. Yigitlar qaerdadir bo'shashishdi. Bu ko'proq psixologik holat bilan bog'liq, deb o'ylayman. Jamoa o'yiniga tasir qiladigan obektiv sabablari ham bor.
- Kubokda chempionatga qaraganda ko'proq ikkinchi tarkib, kam o'yin amaliyotiga ega futbolchilarga imkon berdingiz. Nisbatan engilroq guruhda qolib ketish kutilmagan holat sifatida qabul qilindi Jamoa oldiga O'zbekiston kubogida jiddiy vazifa qo'yilmaganmidi?
- Tarkibda bilib turib rotatciyalarga qo'l urdim. Aytganingizdek kam o'yin amaliyotiga ega futbolchilar bor. Ularga o'zini ko'rsatishi uchun imkoniyatini berdik. Lekin guruhdan chiqish talablarini bajarishga hamma futbolchilar ham ruhiy jihatdan tayyor emasdi.
- Asosiy muammo gol urishdami? Umuman jamoadagi hujumchilardan qanchalik qoniqyapsiz?
- Hozircha muammo ko'rmayapman. Jamoa deyarli har bir o'yinda gol urmoqda. Kim to'p kiritishini ahamiyati yo'q. Golli vaziyatlarni yaratishda butun jamoa mehnat qiladi.
- Superliga haqida ko'pchilik ijobiy fikr bildirayotganiga qaramay o'yin cho'zishlar, hakamlarning qarorlari darajaga putur etkazmayaptimi?
- O'zbekiston chempionati darajasi to'g'risini aytganda ham yuqori. Xatolarga kelsak, hamma ham trik inson. Hamma ham xato qilishga moyil. Bundan hech kim kafolatlanmagan.
- "Neftchi" tarkibdagi ayrim poziciyalarni kuchaytirish ishlarini boshlaganmi? Transferlardagi reja qanday?
- Tarkibni kuchaytirish masalasiga kelsak, bu yo'nalishda ish olib borilyapti. Umid qilamanki, yozda tarkibni kuchaytira olamiz.
Bosh sahifaga
458