Malumotlarga ko'ra, “Andijon” jamoasi legionerlari, xususan Superligada joriy mavsum kashfiyot futbolchiga aylangan albaniyalik hujumchi Ruben Xebay klubga ogohlantirish xati yuborgan. Unga ko'ra, futbolchi agarda 3 oylik maoshini olmagan taqdirda futbol klubiga rasmiy murojaat bilan chiqib, jamoaga ogohlantirish xati yuboradi va qoidaga ko'ra klub xat kelgan kundan boshlab 2 hafta ichida futbolchi oldidagi barcha qarzdorlik masalalarini yopishi shart. Aks holda, berilgan muddat ichida klub qarzdorliklardan uzilmasa, unda FIFA qoidalariga ko'ra klubga ogohlantirish xatini yuborgan futbolchilar erkin agent maqomida bo'lish huquqiga ega bo'ladi va ish beruvchi klub esa shartnoma muddatining oxiriga qadar bo'lgan barcha moliyaviy shartlarni bajarishiga to'g'ri keladi. SHunda “Andijon” klubi futbolchilar oldidagi moliyaviy majburiyatlarini to'liq bajaradi va futbolchilaridan ham ayrilib qoladi.
“Andijon” futbol klubi yaqin kunlar ichida qarzdorliklardan uzilmasa, unda Superliga tur o'yinlarigacha legioner futbolchilaridan ayrilib qolish ehtimoli juda yuqori.
Malumot uchun: “Andijon” futbol klubi futbolchilarga fevral oyidan buyon maosh va mukofot pullarini to'lamay kelmoqda.
Bosh sahifaga
374