O'yin haqida
Uchrashuv biz kutgandek qiyin bo'ldi. CHarchoq alomatlari sezildi. Ko'proq o'yin o'tgazganimiz uchun vaziyatlarni golga aylantirishda oqsadik. Eronga qarshi yana to'qnash kelsak, boshqacha o'yin bo'ladi.
- Turnir davomida keyingi musobaqalar uchun asosiy tarkibni shakllantira tuzib oldingizlarmi?
- Guvohi bo'lganingizdek, bazi o'yinchilarning etishmasligi sezildi. Ashurmatov va Aliqulovlar yo'qligi sababli Nasrullaev va Abdullaevni o'ynatishga majbur bo'ldik.
- JCH saralashida ikkinchi savatchadan o'rin olamiz. Bu qanday tasir o'tkazadi?
- Albatta, birinchi savatchadan o'rin olganimizda bizga yaxshiroq bo'lardi. Bilasiz, Eron kuchsiz jamoa emas. Ishontirib aytamanki, Eronga qarshi yana o'ynasak, mutlaqo boshqacha o'yin guvohiga aylanasiz.
- Nega Fayzullaev jismoniy jihatdan boshqalarga qaraganda kuchsizroq bo'lgani bilan maydonga tushirildi?
- Bunday natija bo'lib turganda, tavakkal qilishga majbur bo'lasiz. Guvohi bo'lganingizdek, markaziy himoyachilar o'rniga hujumkor o'yinchilarni maydonga tushirdik.
- Milliy terma jamoa o'yinida boshqa qitaning kuchli jamoalarga qaraganda Osiyo grandlari bilan o'ynagan yaxshiroq emasmi?
- Fikringizga qo'shilaman. Lekin bu savolni tashkilotchilarga bergan maqulroq. Biz AQSHga qarshi o'rtoqlik o'yinini rejalashtiryapmiz. Umuman olganda, kuchli raqiblarga qarshi maydonga tushish biz uchun muhim.
- Katanec kelgach, uchta himoyachi bilan o'ynashga o'tdik. Bu keyinchalik ham bizning asosiy taktik sxemamizdan o'rin oladimi?
- Futbolda har xil sxemalar mavjud. 3-5-2 taktikasini tahlil qilishga ham ko'p vaqt ketadi.
Bosh sahifaga
243