Hozirda sport musobaqalari 15 mamlakatda namoyish etilmoqda. 1990 yilda tashkil etilgan telekanal ingliz, gruzin, ukrain va rus tilida efirlarini namoyish etadi. 2021 yil 28 avgust kunidan “setantasports.com” onlayn platformasi ishga tushirildi.
Evropa va Osiyoning 15 mamlakatida “Setanta Sports” telekanali va onlayn platforma obunachilari futbol bo'yicha Evropaning eng kuchli chempionatlari, Evrokuboklar, “Formula-1” poygalari, basketbol bo'yicha NBA va Evroliga turniri, UFC, erkaklar va ayollar o'rtasida tennis musobaqalari, xokkey, golf, “Naskar” poygalari va “Bellator” janglarini tomosha qilishlari mumkin. O'tayotgan yozning asosiy futbol musobaqasi ayollar o'rtasidagi jahon chempionati sanaladi. 20 iyuldan 20 avgustga qadar bo'lib o'tadigan turnirni ham muxlislar “Setanta Sports”da tomosha qilishadi. O'zbekiston, Qozog'iston, Turkmaniston, Tojikiston va Qirg'iz Respublikasi hududlarida mazkur musobaqa translyaciya huquqi “Setanta Sports”ga tegishli.
Alohida takidlash lozimki, hamyurtimiz Eldor SHomurodovning Italiya “A” seriyasidagi o'yinlarini O'zbekiston hududida faqat “Setanta Sports” orqali tomosha qilishingiz mumkin. Yurtimizning eng mashhur futbolchilari Jaloliddin Masharipov, Eldor SHomurodov, Otabek SHukurov, jangchilar Mahmud Murodov, Nursulton Ro'ziboev, Ramazon Temurov va boshqa mashhur sportchilar targ'iboti, faoliyati hamda hayotiga oid qiziqarli lavhalar, malumotlar berib borilishi rejalashtirilgan. Yana bir qulay tarafi, telekanal va onlayn platformada bir paytda 4ta futbol o'yinini tomosha qilishingiz mumkin! Bu futbol ishqibozlari anchadan beri kutgan yangilik sanaladi.
O'zbekistonda “Setanta Sports” telekanali va onlayn platforma obunachilari quyidagi futbol va sport musobaqalarini kuzatib borish imkoniyatiga ega bo'lishadi:
Futbol - Angliya (APL, CHempionship, Angliya Liga Kubogi), Ispaniya (La Liga, Segunda), Germaniya
(Bundesliga, Bundesliga-2), Italiya (A Seriya), Franciya (Liga 1), Ukraina (Premer-liga), Gollandiya (Eredivizie), Belgiya (Yupiler liga), SHotlandiya (Premer-liga).
Ayollar o'rtasidagi jahon chempionati – 2023.
Basketbol - Evroliga, “Evrokap”, NBA.
Xokkey – NXL.
Poygalar - “Naskar” poygalari, “Formula-1” va “Formula-E”.
Tennis - ATP 1000 va ATP 500 tennis turnirlari, ATP final musobaqasi, “Indian Uells” erkaklar va ayollar, WTA 1000, 500, 250, WTA final musobaqasi, jamoaviy “United Cup” turniri.
Yakkakurashlar - UFC, Bellator.
Golf turnirlari.
Ushbu musobaqalar translyaciyasini O'zbekiston hududida namoyish etish huquqi faqat “Setanta Sports” telekanali yoki onlayn platformasiga tegishli ekanini eslatib o'tamiz. “Setanta Sports” O'zbekiston bozorida uzoq vaqt qolib, yangi mahsulotlarni taklif etadi va rivojlantiradi.
O'zbekiston bozori “Setanta Sports” kompaniyasining ustuvor yo'nalishlaridan biri hisoblanib, ushbu bozorda xizmatning uzoq muddatli faoliyatini yo'lga qo'yish va sport muxlislariga ko'plab yangiliklarni taqdim etish rejalashtirilgan.
Reklama
Bosh sahifaga
392