Buning natijasida mamlakatimiz o'tgan davr mobaynida turli yosh toifasidagi qita birinchiliklariga mezbonlik qildi. Bu borada to'plangan tajriba keyingi turnirlarga mezbonlik qilish uchun katta imkoniyatni taqdim etdi.
Xususan, FIFA Kengashining navbatdan tashqari yig'ilishida O'zbekiston futzal bo'yicha 2024 yilgi Jahon chempionati mezboni etib belgilandi.
"Ushbu nufuzli musobaqani yurtimizda o'tkazish borasida Mahalliy tashkiliy qo'mita tomonidan FIFAga mavjud infratuzilma yuzasidan malumotlar taqdim etildi. Uchrashuvlar o'tkaziladigan majmualar va mashg'ulot zallarining FIFA talablariga, xususan, xalqaro standartlarga muvofiqlashtirish borasidagi harakatlar boshlandi. O'z o'rnida, O'zbekiston futbol associaciyasi FIFAga Jahon chempionati o'yinlarini o'tkazish mo'ljallanayotgan quyidagi majmualarni taqdim etdi:
"Humo Arena" (turnirning ochilish va final uchrashuvi mazkur o'yingohda o'tkazilishi rejalashtirilmoqda), "Yunusobod" sport majmuasi, "Alpomish" muz saroyi, Milliy Gimnastika saroyi, Farg'onaning "SAMO" sport majmuasi, Samarqand Muz saroyi, Buxoro hamda Andijondagi arenalar.
Bundan tashqari, jamoalar mashg'ulot o'tkazishlari uchun 10 ga yaqin majmua va sport zallari taqdim etildi.
Bir necha kundan so'ng FIFA vakillari Jahon chempionati oldidan O'zbekistonda futbol infratuzilmasini o'rganish, tahlil qilish va xulosalarni berish maqsadida yurtimizga tashrif buyurishadi. Mahalliy tashkiliy qo'mita hamrohligida musobaqaga mezbonlik qilishi kutilayotgan shaharlar bilan tanishadilar. FIFA tomonidan majmualar, mashg'ulot zallari, mehmonxonalar, aeroport, vokzal va yo'llar talabga javob berishi o'rganiladi hamda yakuniy xulosa taqdim etiladi", – deyiladi O'FA xabarida.
Bosh sahifaga
286