Diyor Xolmatov: "Tayanch yarim himoyada o'ynash? Istalgan poziciyada o'ynashga tayyorman"

- O'yin haqida nima deya olasiz?

- Muvaffaqiyatli o'yin ko'rsatdik deb ayta olaman. Asosiysi g'alaba qozona oldik.

- Nima uchun tayanch yarim himoyada o'ynadingiz?

- CHunki murabbiy shuni talab qildi.

- Sizga bu nuqtada o'ynash qiyinchilik tug'dirmadimi?

- Jamoaning muvaffaqiyati uchun istalgan poziciyada o'ynashga tayyorman.

- Maksim SHackix bilan poziciya borasida suhbat bo'ldimi?

- Hech qanday suhbat bo'lgani yo'q. Oldin ham markazda o'ynaganman. Bu men uchun yangilik emas. Barchasi menga va mening ish hajmimga bog'liq. Agarda murabbiy shunday qaror chiqarib, meni o'sha nuqtaga joylashtirsa, jamoam manfaati uchun yordam berishga tayyorman.

- "Paxtakor"ning ushbu mavsumiga qanday baho bera olasiz?

- Mavsumdan mavsumga "Paxtakor" uchun barchasi og'irlashib ketmoqda. So'nggi paytlarda engil mavsumning o'zi bo'lmayapti. Ammo biz jamoa oldiga qo'yilgan maqsadlarni bajarish uchun qo'ldan kelgancha harakat qilamiz.