Musobaqa 2 iyul — Butunjahon sport jurnalistlari xalqaro kuni munosabati bilan o'tkaziladi. 3 iyul kuni start oladigan turnirda 8 ta jamoa ikki guruhga bo'lingan holda kurash olib boradi. Faxriylar yo'nalishida “Paxtakor” faxriylari, “Tong” faxriylar jamoasi, faxriy jurnalistlardan tashkil topgan “Jurnalist” jamoasi hamda O'FA faxriylar jamoasi o'zaro bir martadan to'qnash keladi. Yoshlar yo'nalishida esa futbol sharhlovchilaridan iborat “SHarhlovchi” jamoasi, Championat.asia, Sports.uz jamoalari, shuningdek, Axbor Imomxo'jaevning farzandlari hamda nabiralaridan tashkil topgan “Sulola” jamoasi maydonga tushadi.
6 iyul kuni har bir yo'nalish g'oliblari, ikkinchi, uchinchi va to'rtinchi o'rinni qo'lga kiritgan jamoalar o'zaro hal qiluvchi bellashuvlarda ishtirok etadi. Musobaqa “Bunyodkor” akademiyasi maydonida bo'lib o'tadi.
Ishtirokchilar va tashrif buyuruvchilarning ish soatlari, shuningdek, ob-havo sharoitlari inobatga olinib, bellashuvlar kechki 19:30 dan boshlab bo'lib o'tadi. Musobaqaga oid yangiliklarni biz bilan kuzatib boring.
Bosh sahifaga
328