O'yin haqida
Albatta, muvaffaqiyatga erishganimizdan xursandman. CHempionat peshqadamidan ochko tortib olish ancha qiyin bo'ldi. SHunga qaramay, yigitlarni tabriklayman, ular gol o'tkazib yuborganimizga qaramay, o'z vazifasini bajarishda davom etishdi. Ular shunday natijaga loyiq edi.
- "Andijon" gol urganidan keyin himoyaviy o'yin ko'rsatishni boshladi. 1:1 hisobi natijadan qoniqish bilan bog'liqmidi yoki ko'rsatmangiz shundaymi?
- Aksincha, menga o'tkazib yuborilgan goldan keyin shunday tuyuldi. Biz ko'proq hujum qila boshladik va yana gol urishimiz mumkin edi. Birinchi bo'limdan so'ng shuni angladikki, agarda o'z jarima maydonchamizda passiv himoyalansak, gol o'tkazib yuborishimiz mumkin edi. Ha, raqib bizni ortga chekinishga majbur qildi. Lekin yana bir bor takrorlayman, 2-bo'limda oldinroqqa o'ynashga harakat qildik, menga shunday tuyuldi.
- Rubin Xebay haqida so'ramoqchiman. Uning birinchi davradagi yorqin o'yinidan keyin jamoani tark etish xavfi bormi? Agarda zaxira variantingiz bo'lsa, boshqa hujumchi bilan qanday o'yin qurishingiz mumkin yoki unga o'rinbosar qidirasizmi?
- Uning klub bilan shartnomasi mavjud. Umid qilamanki, u mavjud shartnomadagi majburiyatlarni hisobga oladi va bizni tark etmaydi. Bizda homiy bor, barcha qarzlar to'lanmoqda. Rubin mavsum oxirigacha jamoada qolishiga ishonaman. Etakchi o'yinchilarni qo'yib yuborganimizda, bu o'yin sifatiga va jadvaldagi o'ringa tasir qildi, shuning uchun men o'z navbatida murabbiy sifatida bu futbolchining jamoada qolishi va uning jamoaga foyda keltirishi uchun barcha ishni qilaman.
- SHerzod Esanov yoshlar terma jamoasining etakchilaridan biri, ammo u klubda tez-tez zaxiradan maydonga tushirilmoqda. Asosiy tarkibda uni kamdan-kam hollarda ko'rish mumkin, yoinki, u jamoaning hal qiluvchi o'yinchilaridan biri bo'lishi mumkin...
- Bilasizmi, agarda amaliy jihatdan qarasangiz, bizda barcha o'yinchilar shunday xislatga ega. Barcha maydonga chiqadi, ammo o'yinni kim boshlab, kim tugatadi? Esanov borasida to'g'ri aytdingiz, u yanvardan beri terma jamoa bilan birga edi. Biz uning imkoniyatlarini hamda kelajagi porloq o'yinchi ekanligini bilamiz. SHu bois, imkon qadar unga o'yin amaliyoti taqdim etish uchun harakat qilamiz. Asosiy tarkib futbolchisi bo'lish uning o'ziga bog'liq. Bizda barcha o'yinchi etakchilardan va ular maydonda o'z ishini bajaradi.
- "Andijon"ning ikkinchi davradagi maqsadi qanday?
- Ikkinchi davra og'ir o'tishini sezib turibmiz. Biz, nihoyat, o'z stadionimizga qaytamiz va etakchilarga qarshi o'z maydonimizda kurashamiz. SHu bois, bo'shashmaymiz. Biz maqsadni yuqori qo'yganmiz, shuning uchun ushbu yo'lda sobit turishimiz lozim.
- Jamoani kuchaytirish rejasi bormi?
- Bu haqda hali gaplashamiz. Albatta, murabbiy sifatida bazi poziciyalarni mustahkamlamoqchiman.
Bosh sahifaga
327