- O'yin haqida
Birinchi navbatda, bizga hujumda tajovuzkorlik etishmadi. Buni o'yindan avval yigitlarga uqtirgandik. Afsuski, buni har bir o'yindan avval aytishimizga qaramasdan, xohish borligi ko'rinyapti, ammo tajovuzkorlik yo'q. Hujumda tezkor harakat qila olmayapmiz. Afsuski, shunaqa o'yinlar ham uchrab turadi. Raqib jamoa 2 ta zarba berdi va gol urishga erishdi. Bizda ikki taymda ham juda kap vaziyatlar yuzaga keldi, ammo yakuniy zarbani berishda oqsadik.
- Odil Hamrobekovning markaziy himoyada o'ynatilishi himoyadagi muammolar borligidan darak beradimi yoki boshqa sabab bormi?
- Muammo yo'q. Faqat oxirgi o'yin bilan solishtirganda, tarkibni o'zgartirmaslikka qaror qildik. SHu xolos.
- Uchrashuv taqdirini o'zgartirishga kuch etmay qolgandek tuyulmadimi?
- Sal oldin aytganimdek, boshidan yaxshi o'ynashimiz kerak edi. Biz vaziyatlarimizdan foydalanganimizda, 2 ta gol urishimiz mumkin edi. Yana qaytaraman, hujumga kiryapmiz va deyarli raqib jarima maydonchasiga yorib kiryapmiz, biroq bundan unumli foydalana olmayapmiz. Afsuski, bizga yorqin forvard etishmayapti. O'zi to'p qidiradigan, uni qabul qilib, ichkariga yorib kiradigan to'qqizlik hujumchi yo'q.
- Jamoaning keyingi rejalari qanday?
- CHetga chiqishni reja qilgandik, ammo shu erda qoladigan bo'ldik. Ish rejamiz barbod bo'ldi. Xullas, o'z qarorgohimizda bo'lamiz. "Qayrat" bilan o'rtoqlik o'yini bor, shuni o'tkazib qaytamiz.
- Jamoa kuchaytiriladimi?
- Albatta. Bu bilan anchadan beri shug'ullanyapmiz. Yangi qon kerak, busiz rivojlanish bo'lmaydi.
- Mahalliy futbolchilar xarid qilinadimi yoki xorijlik?
- Unisi ham, bunisi ham. Bu yo'nalishda ancha paytdan beri ish olib boryapmiz. Jarayon oson emas. Tarkib albatta kuchaytiriladi.
Agar tez-tez yangiliklar qilib turilmasa, bu yomon oqibatlarga olib keladi. Bu futbolda isbotlangan.
- Hojimat Erkinov qaytishi mumkinligi haqida malumotlar bor..
- Ha, muzokaralar davom etmoqda. U bilan shartnoma tuzishni xohlaymiz, albatta. Erkinov tarkibimizni kuchaytirgan bo'lardi. Ko'ramiz. Barcha transfer yangiliklaridan boxabar bo'lib borasiz. Yashiradigan narsamiz yo'q.
Bosh sahifaga
367