No'mon Hasanov Turkiyadagi yig'in va jamoadagi kamchiliklar haqida nimalar dedi?

"Avvalambor klub rahbarlariga shunday sharoitlab yaratib berishayotgani uchun minnatdorchilik bildiraman. Jamoaning bu yilgi tarkibini o'zim tanladim. Tarkibning o'zagi saqlanib qolinishida, yangi futbolchilarni jalb qilishda klub vice-prezidenti Otabek Samatovning ko'magi katta bo'ldi. 

Tarkib haqida fikr bildiradigan bo'lsam, qishki transferlar vaqtida ko'p yangi futbolchilar qo'shildi. Ayrimlari ko'rikdan o'tkazildi. O'ylaymanki, yaxshi jamoa shakllanmoqda. Endilikda ularni bitta oila sifatida birlashtirish, jismoniy tomondan yaxshi holatga keltirish ustida ish olib bormoqdamiz. To'g'ri, bu oson emas. Umid qilamanki, yangi kelgan futbolchilar jamoaga tezda moslashishadi. 

Futbolchilarga ko'proq ishlash kerakligini tushuntiryapman. CHunki, oldimizga katta maqsad qo'yilgan. Buni ular anglashi va his qilishi kerak. Meni berilayotgan ko'rsatmalarim barcha o'yinchilarga tegishlidir. Futbolchilarning bir-birlarini o'zaro tushunishlarini so'rab qolardim. SHunda bizga bir muncha osonroq bo'ladi.

Turkiyadagi yig'inimiz samarali bo'lishi shubhasiz. Bunda barcha jamoada, birga yoningizda. Umumiy qilib aytganda futbolchilarning yaxshi va yomon tomonlarini, xarakterini bilib olishim uchun yaxshi imkoniyat yuazaga keldi, deya olaman. O'zim uchun ko'p narsalarni bilib oldim. 

Mashg'ulotlarni yordamchilarimning qo'liga topshirib o'zim bir chekkada kuzatib turganim rost. Boisi, Toshkentdayoq nimalardir bo'layotganini payqagandim. Hozir shu kamchiliklarni ko'rib olganim yaxshi bo'ldi, chempionat boshlanganida esa kech bo'lardi. 

Bundan buyon mashg'ulotlarda ko'proq to'p bilan ishlashga etibor qaratamiz. Qilinadigan ishlarimiz ko'p. Mavsum startiga esa 25 kun vaqt qoldi. Menimcha kamchiliklarni bartaraf etishim uchun bu fursat etarli. Mening maqsadim bitta - jamoam aqlli va chiroyli o'yin ko'rsatib, bizga ishonayotgan viloyat rahbarlari, muxlislarni xursand qilish. 

Futbolchilar bilan o'tgan yig'ilishda mashg'ulotlarda ularga bergan ko'rsatmalarim asosida xatolarni, xarakterini yaxshi tomonga o'zgartirishlarini takidladim. Bu borada gaplashib oldik. Umid qilamanki hammasi yaxshi bo'ladi",- deydi No'mon Hasanov.