O'z dubli orqali jamoasiga muhim g'alaba keltirgan hujumchi, 10 ga yaqin seyv amalga oshirgan darvozabon - Superligada 8-tur laureatlari

"Championat.asia" o'tkazilgan bahslar asosida tur laureatlarini aniqladi.

"Turon" posboni Rahimjon Davronov "Championat.asia" sayti talqiniga ko'ra 8-turning eng yaxshi darvozaboni deb topildi. 

Yaypanliklar darvozaboni ortda qolgan turda ko'plab seyvlarni amalga oshirib, jamoasini mag'lubiyatdan qutqarib qoldi. Mahoratli futbolchi faol harakatlari evaziga "Metallurg" bilan o'yinni yuqori notada o'tkazdi va tur darvozaboni bo'ldi.

"Neftchi" hujumchisi Toma Tabatadze "Championat.asia" talqinida 8-turning eng yaxshi futbolchisi deya elon qilindi.  

Maydonda o'zining aniq harakatlari bilan ajralib turgan Toma Tabatdaze shu kuni 2 ta standart vaziyatdan mohirona ravishda foydlandi. Penaltini tepishda sovuqqon harakat qilgan gruziyalik legioner jarima zarbasini ham qoyilmaqom ijro qildi va jamoasining g'alabasida bosh qahramonga aylandi. SHu bilan birga, Superligadagi gollari sonini 6 taga etkazib oldi.

"Andijon" hujumchisi Rubin Xebayning "Paxtakor" darvozasiga kiritgan to'pi "Championat.asia" talqiniga ko'ra 8-turning eng chiroyli goli (VIDEO) deb tan olindi. 

"Andijon" legioneri "Paxtakor" bilan uchrashuvda chamasi 20 metrdan zarba yo'llab, Sanjar Quvvatovni qiyin ahvolda qoldirdi va hisobni tenglashtirdi.

"Neftchi" bosh murabbiyi Vitaliy Levchenko "Championat.asia" talqiniga ko'ra 8-turning eng yaxshi murabbiyi sifatida etirof etildi.

Farg'onaliklar ushbu turda o'z uyida "Nasaf"ni mag'lubiyatga uchratishdi (2:1). Jamoa ustozining bahsga to'g'ri taktika tanlagani g'alaba omili bo'ldi. 

"Neftchi" 1-davrani 3-o'rinda tugatishida Levchenkoning o'rni beqiyos.