Biroz avval birinchi davrada eng ko'p zarba yo'llagan jamoalar haqida so'z yuritgandik. Hozir esa eng ko'p aniq zarba yo'llagan jamoalar reytingini shakllantirdik. Unga ko'ra, Toshkent viloyatining OKMK klubi eng yaxshi ko'rsatkichga ega sanaladi. Olmaliqliklar hisobida 69 ta aniq zarba mavjud. Bu borada ikkinchi ko'rsatkich Namanganning "Navbahor" klubiga tegishli. Vodiy jamoasida 63 ta aniq urinish mavjud. "So'g'diyona" esa bu raqam 61 tani tashkil etadi.
Aniq zarbalar borasida eng noxo'sh ko'rsatkich esa Toshkent shahrining "Olimpik" klubiga tegishli. Timur Kapadze shogirdlari jami 38 marta raqib darvozasi tomon aniq zarba yo'llagan. "Buxoro"da bu ko'rsatkich 40 tani tashkil etsa, "Turon" 41 marta mo'ljalni to'g'ri chamalagan.
Mirjalol Qosimov shogirdlari bir o'yinda eng ko'p aniq zarba yo'llash borasida ham ilg'or sanaladi. "Surxon"ga qarshi dastlabki o'yinda OKMK 11 ta aniq zarba yo'llashning uddasidan chiqqan.
Oqil Abdubarnoev tayyorladi.
Bosh sahifaga
256