32 yoshli futbolchi faoliyatining asosiy qismini Polsha klublarida o'tkazgan. 9 mavsum "Legiya", so'nggi 3 mavsumda "Pogon" jamoalari sharafini himoya qilgan. Bir yil esa Rossiyaning "Ural" klubida o'ynagan. Polsha chempionatida 5 karra chempionga aylanib, 6 martadan Polsha Kubogi va Superkubogini qo'lga kiritgan. Yuqori ligalarda 328 uchrashuvda 59 gol muallifi bo'lgan. Kubok bahslarida 51 o'yinda 9, Evrokuboklarda 70 bellashuvda 14 ta to'p kiritgan.
Polsha milliy terma jamoasida 8 uchrashuvda 1 ta to'p kiritgan. Kuxarchik 2024 yil oxiriga qadar "Paxtakor" safida o'ynaydi.
"Umid qilamizki, Kuxarchik Polshadagi chempionlik va sovrinlarga boy faoliyatini "Paxtakor"da ham davom ettiradi. "Paxtakor"ga xush kelibsan, Mixal!", - deyiladi klub xabarida.
Bosh sahifaga
315