Muzaffar Muzaffarov to'p tepayotgan "Mohammedan" Bangladesh kubogida g'olib chiqdi. Bu borada hamyurtimizning fikrlarini tingladik.
- Bangladeshga kelganingizga 1 yil bo'ldi. Dastlabki mavsumdagi taassurotlar qanday?
- Dastlabki mavsum men uchun omadli o'tdi. Barcha uchrashuvlarda 6ta gol urdim. Oldinda yana bitta uchrashuvimiz bor. Iqlim issiqligini hisobga olmaganda qolgan hamma narsaga ko'nikib ketdim.
- Kubokdagi g'oliblik haqida fikringiz? CHempionatda nima etishmadi?
- "Mohammedan" mamlakat kubogida oxirgi marotaba 14 yil oldin g'olib chiqqan ekan. Biz buni uzoq vaqt o'tib yana takrorladik. CHempionatni ham yaxshi o'tkazyapmiz. Ayni paytda uchinchi o'rinni qo'lga kiritish uchun imkoniyatimiz bor. So'nggi tur ko'p narsaga aniqlik kiritadi.
- Bangladesh chempionatida o'rtacha maosh qanday, o'zbek klublaridan farqi bormi?
- Bu erda maoshlar 5 ming dollardan boshlanib 70 ming dollargacha. O'zbek klublaridan farqi maoshlar o'z vaqtida beriladi.
- Legionerlar va mahalliy futbolchilarga etiborda farqi bormi, sharoitlar, moliyaviy va tashkiliy tomonlama?
- To'g'ri mahalliy futbolchilarning saviyasi pastroq. Lekin legionerlar haqiqatdan kuchli, deya olaman. Har bir jamoada 5 nafar legioner to'p tepadi. Xorijlik futbolchilarga sharoitlar juda yaxshi. "Mohammedan" shartnoma taklif qilmoqda. Bundan tashqari "Abahani Daka" klubidan ham chorlov bo'ldi. 20 iyulgacha o'zimni klubimda qolaman yoki "Abahani Daka"ga o'taman.
- O'zbekiston chempionatida ochig'i so'nggi jamoalaringizda faoliyatiz ko'ngildagidek chiqmadi. Bu nima bilan bog'liq bo'ldi? Muxlislar yana ajoyib o'yinlari, gollari bor Muzaffarovni ko'rishadimi?
- O'zbekistonda "Dinamo"da juda qiynaldim. Eng og'ir jamoa bo'ldi, deya olaman. Peshonamizga yozilgan bo'lsa yana O'zbekistonga qaytib o'ynayman.
Narzulla Saydullaev suhbatlashdi
Bosh sahifaga
349