O'yin haqida
- Rejamiz bo'yicha, oldinroq "Istiqlol" bilan o'ynashimiz kerak edi. Bu bizga juda foydali o'yin bo'ldi. Tayyorgarligimizni yaxshi darajaga chiqarib oldik. "Istiqlol" bilan birinchi marta to'qnash keldik. Bu jamoani hamma yaxshi biladi. Tojikiston terma jamoasi asosi, mamlakat flagmani desak ham bo'ladi. Raqib biz bilan kelishganda, bundan rosa xursand bo'lgandik. O'yin rejamiz bo'yicha o'tdi. Bazi kamchiliklar kuzatildi, ammo asosiy maqsadga erishdik. Raqibga kamroq imkoniyat berishni reja qilgandik. To'psiz harakatlarimizda buni uddaladik. Bugungi ko'zlangan maqsad o'yin amaliyoti edi. Bunga biz erishdik.
- Jaba Jigaurining jamoaga taklif qilingani bejizga emasligi ko'rindi. Undan kelajakda nimalar kutmoqdasiz?
- Biz har bir o'yinchini taklif qilganda, chuqur o'rganamiz. Uning o'yinlari qay darajadagi futbolchi ekanligini ko'rsatib turibdi. Jigauri jismoniy holatini biroz yaxshilab olsa, jamoamizga bundan ham ko'proq nafi tegadi.
- Transfer oynasi ochiq. Yangi o'yinchilarni tarkibga qo'shib olish bo'yicha rejalar qanday?
- Hozir rejamiz bo'yicha ikkita o'yinchini tarkibga qo'shib olishimiz kerak. Ular hujumkor o'yinchilar bo'ladi.
Bosh sahifaga
4211