Qatar amiri qaroriga ko'ra, Kilian Mbappe Yaponiya turnesiga bormaydigan bo'ldi. Franciya matbuoti esa klub uni xohlamayotganligini aytmoqda. Klubning bunday qarorga kelayotgani sababi esa futbolchi bir yillik qolgan shartnomasini uzaytirishdan bosh tortayotgani bo'lmoqda.
Mbappe va PSJ o'rtasidagi janjallar yozning boshidan buyon bor. Klubning qatarlik egasi esa qattiq qaror chiqarib bo'lgan: yoki futbolchi shartnomani uzaytiradi yoki shu yozda jamoadan ketadi. O'z navbatida klubdagilar franciyalik forvardning "Real" bilan shartnoma imzolab bo'lganiga ishonmoqda. Endi bu voqeliklarga Luis Enrike ham qo'shilgan.
Ispaniyalik mutaxassis o'z g'oyalarini barchaga aytgan holda jamoa boshqaruvini qo'liga olgan. U barcha qarorlarni o'zi chiqarishini aytgan. Ammo hozircha barchasi ham bunday bo'layotgani yo'q. "Relevo" xabariga ko'ra, murabbiy ilk navbatda klub sport direktori Luish Kampush bilan janjallashgan. Rahbariyat ayni damda Mbappega bosim o'tkazish bilan band bo'lib turgan vaqtda, bu kiyim almashtirish xonasiga ham tasir qilgan. Luis esa barchasi yaxshi bo'lishini va futbolchilar o'rtasidagi atmosferani buzib yubormaslikni istamoqda.
SHu sababli u klub rahbariyati qarorlarini bajarishni istamayapti va barchasini oxirigacha etkazib qo'ymoqchi. Murabbiy har qanday holatda ham Mbappeni to'g'ri ishlatshni istamoqda va hozirgi holatdan mamnun bo'lmayapti. Luis klubga kelayotganda loyihalarida Mbappe asosiy rolda bo'lishini aytgan. Murabbiy Mbappesiz ishlasa ham bo'lishini, biroq keyinchalik natijani talab qilishmasligini talab qilmoqda. O'z navbatida bu fikr klub rahbariyatiga maqul kelmagan.
Bosh sahifaga
2619