Vellington Matsukichi da Silva Taira 1996 yilning 10 aprelida Braziliyaning San-Paulu shtatidagi Itariri shahrida tug'ilgan.
Uning bobosi yapon millatiga mansub bo'lib, o'tmishda Yaponiyadan Braziliyaga ko'chib kelgan va shu erda muqim o'rnashgan. Buvisi esa braziliyalik. Bolakayning futbolga kirib kelishiga sababchilardan biri akasi sanaladi, aynan u Tairani futbol maktabiga olib borgan, da Silva o'sha erda shug'ullana boshlagan.
Futbolchilik faoliyatimning dastlabki pallasida hujumkor yarim himoyachi poziciyasida harakat qilardim. Ammo akam agarda chap qanot himoyasida harakat qilsam, professionalda darajada o'ynash imkoniyatim yuqoriroq bo'lishini aytdi. Dastlab bu nuqtada harakatlanish menga manzur kelmadi, ammo hozirda o'zimni ushbu poziciyada qulay his qilaman.
"Sao Kaytano" u bilan professional shartnoma imzolagangan ilk jamoa hisoblanadi. Keyinchalik Vellington "Sao Bernardo", "Kaskavel", "Linense", "Masae" kabi jamoalarda faoliyat olib borgan. Futbolchining keyingi manzili esa Moldovaning "Belc" klubi bo'ldi.
"Masae"da o'ynagan kezlarimda Braziliyadan takliflar bo'lgandi, ammo bu variant qiziqroq ko'rindi. U erga o'tishimda do'stim Alvaro tashabbuschilardan biri bo'lgan.
Tairaning "Belc"dagi debyuti kutilganidan omadliroq chiqdi — "Belc" mamlakatning etakchi klubi "SHerif"ni safarda 1:0 hisobida mag'lubiyatga uchratdi.
Bu erda bundan yaxshiroq debyut bo'lmaydi. Keldim, o'ynadim va jamoa g'alabasida o'z hissamni qo'shdim. Maqsadim — hamisha jamoaga yordam berish. Braziliyada asosiy etiborni individual mahoratga qaratishadi. Moldovada esa jamoaviy o'yin va aniq paslarga urg'u berilarkan.
Vellington 2011/22 yilgi mavsum yakuniga ko'ra, chempionat ramziy terma jamoasidane o'rin oldi.
SHuningdek, joriy yil himoyachi "Belc" safida Moldova kubogi yarim finalida "Univer Oguzsport" darvozasini (5:0) qoyilmaqom tarzda ishg'ol qildi.
VIDEO
Kubokning hal qiluvchi bahsida "Belc" "SHerif"ga ro'baru keldi. Uchrashuvning asosiy va qo'shimcha vaqtida hisob ochilmadi. Penaltilar seriyasini "Belc" futbolchilari boshladi. hisob 6:6 bo'lib turgan bir pallada Taira tepgan to'pni raqib posboni qaytardi. Keyingi zarbani raqib futbolchisi Muhammad Diop aniq yo'lladi va jamoasiga navbatdagi sovrinni taqdim etdi.
Vellington ijtimoiy ishlarda ham faolligi bilan ajralib turadi. "Belc" tarkibida o'ynab yurganida, klub azolari bilan birgalikda shahardagi "Zambetul" nomli maktabgacha talim muassasasiga tashrif buyurib, istedodli bolakaylarga sovg'a ulashgan.
Futbolda ko'plab nyuans mavjud, misol uchun, men o'z oilam va do'stlarimdan olisda, o'zga madaniyat qurshovida yashayapman. Har doim bosim ostida vazifalarni aniq bajarish kerak. O'zga o'lkada ota-onamni sog'inaman. Kelajakda Evropa CHempionlar ligasi yoki Evropa ligasida o'ynashni hamda oilam uchun to'kin sharoit yaratishni orzu qilaman. Men filmlar tomosha qilishni, mashg'ulot zaliga borishni va Braziliya chempionati o'yinlarini kuzatishni yoqtiraman.
Bir necha kun ilgari Taira Toshkentning "Bunyodkor" klubi bilan shartnoma imzoladi.
Men bu erdaligimdan xursandman. Bunday katta tarixga ega klubda o'ynash men uchun sharaf. "Bunyodkor" sharafini himoya qilish men uchun katta motivaciya. Maqsadim – jamoamga maksimal tarzda yordam berish va o'z o'yinimni sekin astalik bilan kuchaytirib borish. Futbolchilar bilan tanishib olishga ulgurdim. Jasur, Umid, Avaz bilan yaxshi do'st bo'lib oldik.
"Toma Tabatadze vadasini bajaradi. Jamoani yarim yo'lda qoldirmayman" — sevimli futbolchisi sharafiga familiyasini "o'zgartirgan", "qirol" laqabini olgan hamda "Navbahor" safida gol urgan gruziyalik legioner bilan yaqindan tanishamiz
Oqil Abdubarnoev tayyorladi.
Bosh sahifaga
202