Vadim Abramov Iordaniya bilan o'yindan keyin nimalar dedi?

"Bugungi g'alaba tarkibdagi yosh futbolchilarga ishonch bag'ishlaydi. Rejamiz aynan yosh futbolchilarga ko'proq imkoniyat berish. Men doim aytganman, O'zbekiston sharafini himoya qilayapmizmi, demak g'alaba uchun harakat qilamiz. To'g'ri bugun omadimiz keldi, raqib o'yin boshida qizil kartochka tufayli 10 kishi bo'lib qoldi. Boshqa tomondan o'yin ancha foydali bo'ldi.

Yigitlar hali jismonan tayyor emaslar, sababi hali bizda mavsum boshlagani yo'q. Bu normal holat. SHunga qaramay irodali o'yin namoyish etishdi va g'alabaga erishdik. Aytgancha Iordaniya juda ham yaxshi jamoa.

Albatta barcha futbolchilarga imkoniyat beramiz, bekorga ularni shunchaki mashg'ulotda qatnashishlari uchun olib kelmadik-ku. Mashg'ulot boshqa, o'yin esa boshqa", - deydi Vadim Abramov O'FA matbuot xizmatiga.