Moliyaviy nazorat surishtiruv natijalariga ko'ra, klub tashkilot tomonidan 2022 yil avgust oyida imzolangan kelishuv bandlarini buzgan deb topilgan. SHu sababli klub navbatdagi mavsum evrokuboklaridan chetlatildi va 20 mln evro jarimaga ham tortildi.
Agarda 2023, 2024 va 2025 yilgi hisobotlarda ham klub talablardan o'zib ketsa, yuqoridagi summaning teng yarmi jarima sifatida yoziladi va bu klubning licenziyalash jarayoniga va moliyalashda jiddiy tasir o'tkazadi.
Oldinroq UEFA va "Yuventus" jamoaning Konferenciyalar ligasidan chetlatilishi borasida kelishib olishgani borasida malumotlar berilgandi. Klub o'z aybini tan olgani uchun barcha ishlar ochiq tarzda olib borilgan va Italiya sudlari tomonidan tekshirilgan.
Yanvar oyida Turin klubi o'z kapitalining o'sishi raqamlarini soxtalashtirgani uchun 15 ochkodan mosuvo qilingan, biroq appelyaciya bilan ochkolar qaytarib olingandi. Biroq keyinchalik yana taftish ishlari olib borilgan va qing'irliklar aniqlanganidan keyin 10 ochko olib tashlangandi. SHu sababli jamoa mavsumni 7-o'rinda tugatib, Konferenciyalar ligasida ishtirok etishi kerak bo'lgandi.
Bosh sahifaga
227