Legioner posbon, dublga erishgan futbolchi, sobiq klubini jazolagan yarim himoyachi va safarda muhim g'alabaga erishgan murabbiy. 14-turning barcha laureatlari

"Championat.asia" o'tkazilgan bahslar asosida tur laureatlarini aniqladi.

"Andijon" posboni Igor Litovka "Championat.asia" sayti talqiniga ko'ra 14-turning eng yaxshi darvozaboni deb topildi. 

Uchrashuvdan avval ko'pchilik "Nasaf"ning navbatdagi g'alabasini taxmin qilganiga qaramay, Litovka qashqadaryolik "ajdarlar"ga qarshi bahsda o'z darvozasi daxlsizligini saqlab qoldi va jamoasining bir ochkoni qo'lga kiritishida "asosiy aybdorlardan" biri bo'ldi. SHu sababli Igor Litovka  "Championat.asia" sayti talqiniga ko'ra turning "Eng yaxshi darvozaboni" deb topildi.  

"Surxon" yarim himoyachisi Asadbek Karimov "Championat.asia" talqinida 14-turning eng yaxshi futbolchisi deya elon qilindi.  

Bu turning eng kutilmagan natijalaridan biri Olmaliqda qayd etildi. OKMK o'z maydonida "Surxon"ga yutqazib qo'ydi. Raqibning 3 ta golidan 2 tasini yarim himoyachi Asadbek Karimov o'z hisobiga yozdirib qo'ydi. Asadbek nafaqat gollar urdi, balki jamoasi hujumlarini tashkillashtirishda ham eng faollardan biri bo'ldi.  

"Turon" futbolchisi Fayzulla Jumanqo'zievning "Buxoro" darvozasiga kiritgan to'pi "Championat.asia" talqiniga ko'ra 14-turning eng chiroyli goli (VIDEO deb tan olindi. 

"Buxoro" - "Turon" uchrashuvining 20-daqiqasida Jumanqo'ziev markazdan oldinga o'tdi va jarima maydonchasiga yaqinlashib, ajoyib zarbasi bilan hisobni ochdi. 

"Turon" bosh murabbiyi Yorqin Nazarov "Championat.asia" talqiniga ko'ra 14-turning eng yaxshi murabbiyi sifatida etirof etildi.

Ikkinchi davra startida mavsumdagi birinchi g'alabasini qo'lga kiritgan "Turon" ustozi Yorqin Nazarov "Championat.asia" talqiniga ko'ra turning eng yaxshi murabbiyi bo'lishga eng munosib nomzod.