- Bugungi uchrashuv haqidagi fikrlaringiz?
- Birinchi navbatda OKMK jamoasini chorak final yo'llanmasi bilan tabriklayman. Kubokda o'yinni boy bersangiz, turnirni tark etasiz. OKMK tajribali jamoa va shu sabab ular birinchi bo'limda ikkita gol urishdi. Biz ham yomon o'ynamadik, hujum qildik va penalti ishladik. Agar penaltidan foydalana olganimizda o'yin boshqacha yakun topishi mumkin edi. Umuman olganda, yigitlarga rahmat O'zbekistonning eng kuchli jamoalaridan biriga qarshi yomon o'ynamadik.
- Bugun "Lokomotiv"ning omadi kelmadi desak bo'ladimi? Sababi jamoa vaziyatlar yaratdi, o'yinni nazorat qildi, penaltidan foydalana olmadi.
- SHunaqa bo'lishi mumkin, lekin men bir narsani aytib o'tmoqchiman. Bunday mavzuni matbuot anjumanida gapirishim noto'g'ridir, lekin PFL taqvimni noqulay qilib qo'ygan. OKMK bita o'yin o'tkazishga ulgurdi, biz esa ikki oy deganda endi maydonga qaytdik. Katta tanaffusdan so'ng yana optimal holatga qaytish biroz qiyin bo'ldi.
- Maydon chimiga qanday baho berasiz?
- To'g'risi, men maydon holatiga baho beradigan inson emasman. Bunday iqlimda, maydonni yaxshi holatda saqlash juda qiyin. "Paxtakor" stadionining chimi har doim alo holatda bo'lar edi, bugun esa bunday emas. Maydon holatiga etiroz bildirsa bo'ladi, lekin hozirgi issiq havo bilan chimni yaxshi holatda saqlab qolish juda qiyin.
- "Lokomotiv" oldiga kubok o'yinlarida aniq bir maqsad qo'yilganmidi?
- Albatta, kubokda bizning maqsadimiz finalga borish edi. O'tgan mavsum nima bo'lganini barchangiz bilasiz va hozirgi kundagi bizning asosiy maqsadimiz jamoani Superligaga qaytarish. Kubok bahslarida ham o'z oldimizga maqsadlari qo'ygan edik, lekin bugun mag'lub bo'ldik va rejalarimiz buzildi.
Bosh sahifaga
254