- Barchasini o'zingiz ko'rdingiz. Mavsum avvalida jadvalning yuqori qismida bo'lishi taxmin qilinmagan jamoalar ishtirokidagi bahs bo'ldi. Yakunda ular bizdan kuchliroq bo'lib chiqishdi. Birinchi davrada ular g'alabaga erishishdi, bugun esa ochko ishlab ketishdi. Ular yaxshi o'yin ko'rsatib, bunga erishishdi. Garchi jamoasi yosh bo'lishiga qaramasdan, ularda sezilarli o'sish bor. SHu sababli "Surxon" bekorga 6-o'rinni egallab turgani yo'q.
O'yin bobida nima deyishim mumkin... G'alabadan umid qilgandik, ammo hujumda muammolarimiz borligini ko'rdik. Xavfli vaziyatlar deyarli yaratmadik, boshni changallaydigan vaziyatimiz bo'lmadi. Keyin bor umidimiz standartlarga qaratgandik, ammo bundan ham samara chiqmadi. Raqiblar yaxshi himoyalandi. Raqiblarning asosiy yutug'i - juda tezlik bilan qarshi hujumga o'tishi. Bir vaziyatda gol bo'lmadi, darvozabonimiz seyv namoyish qildi. Umuman olganda, raqiblarning tezkor yurishlarini to'xtata oldik. Ular o'yinning katta qismini himoyada o'tkazishdi. O'zi o'yinda vaziyatlar ko'p ham bo'lmadi. Bahsda kurashlar, yakkakurashlar ko'proq bo'ldi.
- Bubanya nega o'ynamadi?
- U juda ko'p o'yinlarni o'tkazib yubordi. Uning jarohati bor edi. Hozir tiklanish jarayonida. Hozircha uning holati shunday. Yaqin vaqtlarda u mashg'ulotlarga kirishadi va barchamiz uni ko'ramiz.
- Armin Boshnyakni qachon maydonga tushirasiz?
- U kechagina keldi. Uni faqatgina kecha ko'rdik. Menga ko'proq hujumda o'ynaydigan futbolchilar kerak. Bizda qanotda kreativ o'ynaydigan vingerlar juda ham etishmayapti. Umid qilamanki, u ham Xebayga o'xshab, tezda jamoaga moslashib ketadi va jamoaga yordam beradi. Garchi qattiq istab, harakat qilgan bo'lsak-da, muxlislarimizni xursand eta olmadik. Xatolarni ko'rib chiqib, ular ustida hulosa chiqarib, navbatdagi o'yinlarda g'alaba qozonishga harakat qilamiz.
- Jamoa ketma-ket ikkinchi o'yin 0:0 hisobini qayd etdi.
- Bilasizmi, "Surxon" juda yaxshi jamoa va ularni yutishni qattiq istagandik. Yosh jamoa, yosh tarkib. Ular har tomonlama o'zlarini ko'rsatishga harakat qilishmoqda. SHu sababli bugun raqibdan kuchliroq bo'lishni istagandik. "Nasaf" bilan o'ynash biroz oddiyroq. Nima sababdan, "Nasaf"ning bosimini barcha yaxshi biladi. Muxlislarimiz bizdan g'alaba kutishini bilgandik. Bu o'yindan ko'prog'ini kutgandik. Hozir aytganimdek, ular bekorga jadvalning yuqori qismida emas. Ular mavsumda 4 marta mag'lub bo'lishdi, bu ham nimanidir isbotlaydi. Yani, ular qanday futbol o'ynalishi kerakligini bilishadi. O'tgan turda raqiblari ularga yo'l ochib berishsa, qanday muammolar keltirib chiqarishini ko'rsatishdi.
- Zaxiradan maydonga tushgan Saidumar Sodiqov o'yinga unchalik kirishib keta olmadi.
- Yana bir marta takrorlayman. Biz hujumkor futbolchilarning o'yinida muammolar his qilyapmiz. Bizga biroz boshqacharoq turdagi yarim himoyachilar kerak. SHu sababli yoshlar jamoasidagi futbolchilarni asosiyga jalb qilyapmiz. Endi hech nimani bahona qilmaymiz. Ishlashda davom etamiz. Qaranglar, bugun tarkibda necha nafar mahalliy futbolchilar o'ynadi? Bu ham o'yindagi ijobiy holatlardan biri. 8-9 nafar mahalliy futbolchi maydonga tushdi.
Bosh sahifaga
260