- O'yin golga qadar kechdi. Gol ham "rikoshet"dan urildi. Umumiy qilib aytganda, bugungi uchrashuv bitta golga qadar kechdi va ushbu gol o'yin natijasini hal etdi.
- Maksim SHackix qizil kartochka olgan holatda nima ro'y berdi? Maksim Aleksandrovich hakamni haqorat qildimi?
- SHackix hakamni so'kmadi. So'kinish bo'ldi, lekin u gaplar hakam tomoniga aytilmagan edi. Futbolchilarga gapirayotgan chog'ida bu holat ro'y berdi, hakam esa umuman boshqa tomonda edi. Hakamni haqorat qilmagan edik.
- Qizil kartochkadan so'ng amalga oshirilgan o'zgarishlarni siz amalga oshirdingizmi yoki Maksim SHackix onlayn tarzda jamoani boshqarib turdimi?
- Yo'q, o'zgarishlarni onlayn tarzda Maksim SHackix amalga oshirdi.
- "Dinamo"dan uchralgan mag'lubiyatdan so'ng, jamoa bugun katta xohish bilan o'ynashi kutilayotgan edi, lekin "Paxtakor" futbolchilari bugun bir oz futbol o'ynashga ishtiyoq yo'qdek ko'rindi. Bunga sabab nima deb o'ylaysiz?
- O'yinni tahlil qilamiz va ko'rib chiqib baho beramiz. O'yindan avval hammasi yaxshi edi.
- "Paxtakor" jamoasi so'ngi yillarda CHeranga juda bog'lanib qoldi. CHeran ham "universal" futbolchi, lekin shunga qaramay u qarib bormoqda. "Paxtakor" CHerannning yoshroq variantini jamoaga olib kelish vaqti kelmadimi?
- Mashg'ulotlarda Dragan hech kimdan qolishmaydi. To'g'ri, biz CHeranga o'xshash futbolchi sotib olsak o'zimizga yaxshi, lekin CHeran mashg'ulotlarda hech kimdan qolishmaydi va men mashg'ulotlarga tayangan holda xulosa chiqaraman.
- Bugungi uchrashuvdagi hakamlikka baho bersangiz?
- Hakamlikni muhokama qilmayman va gapirishni ham xohlamayman. Kimdurlar shu orqali chempion bo'lmoqchi, mayli bo'laversin. Biz hakamlarni muhokama qilmaymiz.
- Ko'pchilik "Paxtakor" jamoasining yozgi transferlar kampaniyasini muvaffaqiyatsiz deyishmoqda. Sizning bunga fikringiz qanday?
- Biz o'zimiz amalga oshirgan transferlarimizdan to'liq qoniqdik. Ularga "adaptaciya" uchun vaqt kerak va hammasi o'z o'yinini topadi.
- Sanjar Quvvatov bir necha yildan buyon "Paxtakor"ning asosiy darvozaboni, lekin so'ngi uchrashuvlarda Quvvatov qo'pol xatolarga yo'l qo'ydi. Belaruslik yangi darvozabon yoki Otabek Boydumorodovga imkoniyat berish vaqti kelmadimi?
- Bugungi uchrashuvdagi gol "rikoshet" orqali urildi. Yangi darvozabonga keladigan bo'lsak, u jamoaga kirishib ketish uchun vaqt kerak, u hali yigitlar bilan chiqishib ketishi kerak.
- Fayzullaev "Paxtakor"ni juda qiyin ahvolda tashlab ketdi. "Paxtakor" jamoasining murabbiylar shtabi Abbosdan xafa bo'ldimi?
- Unga taklif chiqdi va u rozi bo'ldi. Nima bo'lganda ham, futbolchi uchun o'sish bo'ldi. To'g'ri u bizni bir oz noqulay holatga solib qo'ydi, lekin uning shartnomasida shunday band bor edi va biz uni xohlasak ham olib qola olmasdik. Abbos bizni norozi qilgani yo'q, lekin biz uning qolishini istagan edik.
- Niderlandiyalik himoyachi Stinvurden bugun "debyut" uchrashuvini o'tkazdi. O'zingiz ham himoyachi bo'lgansiz, Stinvurdenning bugungi o'yiniga baho bersangiz?
- Biz uni sotib olishdan oldin o'yinlarini ko'p kuzatgan edik. U yaxshi himoyachi, faqat hozir unga vaqt kerak. Jamoaga bir oz kirishib ketishi uchun. Men futbol o'ynagan vaqtlarim ham "Paxtakor"da ko'pchilik o'ynab keta olmas edi. Bir oz vaqt o'tsin, u jamoaga ko'nikib ketishi kerak.
- Avgust oyida "Paxtakor"ni principial raqiblarga qarshi bir nechta bahslar kutib turibdi. Jamoa keyingi uchrashuvlarga qanchalik tayyor?
- Biz taqvim qiyinligini bilar edik va shu sababdan yig'in o'tkazdik. Hozir bizda zaxira o'rindig'i bor, birinchi davrada zaxirada futbolchilar etishmayotgandi. Xudo xohlasa, qolgan barcha uchrashuvlarni yaxshi o'tkazamiz.
Bosh sahifaga
2892