Ulug'bek Bakaev: "Ketma-ket mag'lubiyatlardan so'ng jamoa tushkun ruhiy holatda edi. So'nggi ikki bahsda so'nggi daqiqalarda gol o'tkazib yuborgandik. Bugungi uchrashuv uchun yigitlarga rahmat aytaman. Ushbu o'yin avvalgilaridek chiroyli bo'lmasada, g'alabaga erishdik. 3 kun avval Kubok bahsida ishtirok etdik, jismoniy holat bo'yicha raqib ustunroq edi. Bo'shashganimiz yo'q. Maqsadimiz - Superligada jon saqlab qolish".
- Stanisavlevich va Xolto'raevlarni almashtirdingiz...
- Yaqindagina Kubok o'yinida ishtirok etdik, Stanisavlevichning jismoniy holatida muammo bo'lgani uchun uning o'rniga Xumoyunni tushirdik va to'g'ri qilibmiz. Bu taktik o'zgartirish edi.
- Bugungi bahsda ishtirok etgan yigitlaringizga necha baho qo'ygan bo'lardingiz?
- Hozir baho qo'yish... Bugun natija muhim. CHunki jamoa tushkun holatda, so'nggi ikki bahsning so'nggi daqiqalarida gol qo'yib yuborgandi. Bugun darvozamizni "quruq" saqlab, g'alaba qozonishni maqsad qilgadik. Vazifa uddalandi.
- Ikich haqida fikringiz?
- Yuqori darajali futbolchiligi ko'rinib turibdi. Jamoa nolga o'ynadimi, demak u yaxshi harakat qildi.
Bosh sahifaga
1248