"OFK talabiga ko'ra Superliga bosh murabbiyi albatta Pro licenziyasiga ega bo'lishi shart.
O'FA bizga taqdim etgan malumotga ko'ra, ayni holatda Superliganing uch (!) va Pro liganing uch klubi bosh murabbiylari Pro licenziyasiga ega emas, aniqrog'i, ular imtihonlardan o'ta olmagan. Qayta topshirish imtihoni mart oyiga belgilangan. Unga qadar biz mazkur mutaxassislarni vaqtincha ro'yxatdan o'tkazib turamiz. Ammo ular qayta topshirish imtihonidan ham yiqilsa, klub mazkur murabbiy bilan shartnomani bekor qilishi talab etiladi. Yani, OFK licenziyalash davriga qadar Pro licenziyasi mavjud murabbiy klub bilan shartnoma tuzib ulgurishi kerak.
Izoh. Mart oyida vaqtinchalik ro'yxatdan o'tkazib turish masalasi pandemiya tasirida kelingan qaror bo'lib, ko'plab mamlakatlar yopiq rejimda ekanidan kelib chiqib, bir necha oy davomida o'quv kurslarini tashkil qilishning imkoni bo'lmadi.
Biz joriy mavsumdan etiboran Pro liga klublari murabbiylaridan ham sekin-asta Pro licenziyasi talab qilishni boshladik. Davlat ulushi bor bo'lgan korxona tomonidan moliyalashtirilayotgan klublar qaysi ligada o'ynashidan qatiy nazar, OFK talabiga javob berishi shart. Ular o'zlariga katta oylik-maosh yozib olish uchun emas, birinchi navbatda OFK va O'FA talabini bajarishlari uchun moliyalashtiriladi. Mana shu principni barcha klublar birdek tushunib olishlari shart", - deb yozadi Diyor Imomxo'jaev telegramdagi o'z kanalida.
Bosh sahifaga
276